Yeni təcili tibbi yardım avtomobilləri  - Sputnik Azərbaycan
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Koronavirus onlardan da yan keçmədi

© AP Photo / Emrah GurelСитуация в связи с эпидемиологической обстановкой в Турции
Ситуация в связи с эпидемиологической обстановкой в Турции - Sputnik Azərbaycan
Abunə olmaq
Türkiyənin məşhur sənət adamları COVID-19 virusuna yoluxublar. Onlar hər kəsə maska taxmağı, məsafə saxlamağı və soyuq günlərdə özlərini qorumağı tövsiyə ediblər.

Şahpəri Abbasova, Sputnik Azərbaycan

BAKI, 25 noyabr — Sputnik. Son günlər yenidən dünyanın sənət gündəmini koronavirus zəbt etməkdədir. Sputnik Azərbaycan xəbər verir ki, Türkiyənin məşhur sənət adamları COVID-19 virusuna yoluxublar.

Məşhur türk aktyoru, 92 yaşlı Haldun Dormen COVID-19-a yoluxub. Vəziyyəti həkimlərin nəzarəti altında olan 92 yaşlı sənətkar sağalacağına ümid edir və hər kəsi qorunmağa çağırır.

Haldun Dormen virusa yeni yoluxsa da, "Menajerimi Ara" serialının "Peride"si, 64 yaşlı aktrisa Ayşenil Şamlıoğlu xəstəliyə qalib gələnlər sırasındadır. Belə ki, aktrisa sosial media hesabından məlumat yayaraq bildirib ki, son dəfə verdiyi testlərin cavabı mənfi çıxıb. Ayşenil Şamlıoğlu tam sağaldığını bəyan edib.

Növbəti koronavirus şoku türk serialı "Mucize Doktor"un aktyorları arasında yayılıb. Çəkilişdən əvvəl sağlamlıq testlərindən keçən aktyorlardan Seda Bakanın testi pozitiv çıxıb. Qeyd edək ki, Seda Bakan serialda "Doktor Ferda" obrazını canlandırır. 35 yaşlı aktrisanın sağlamlıq durumunun yaxşı olduğu deyilir.

Sosial şəbəkə hesabından xəbər paylaşan aktrisa bildirib ki, vəziyyəti yaxşıdır, qripdən başqa heç nə hiss etmir: "Sadəcə qrip olduğumu hiss edirəm. Testlərim pozitiv çıxsa da, vəziyyətim stabildir. Xəstəlikdən qorunmağın tək yolu maska taxmaqdır. Maskalarınızı çıxartmayın. İnşallah, mən də tezliklə sağalaram. Şükürlər olsun ki, ailə üzvlərim və balacamızın vəziyyəti yaxşıdır", - deyən aktrisa Seda Bakan bir müddət serialda görünməyəcək.

Koronavirusa yoluxanlar sırasında tanınmış türk müğənnisi Ege də var. COVID-19 testi pozitiv çıxan müğənni bu barədə sosial media hesabından məlumat yayıb.

Müğənni hər kəsə maska taxmağı, məsafə saxlamağı və soyuq günlərdə özlərini qorumağı tövsiyə edib.

Xəbər lenti
0