BAKI, 20 noyabr — Sputnik. Lerik rayonu Sors kənd ümumi orta məktəbinin tarix müəllimi Elgün Quliyev Şuşa istiqamətində gedən döyüşlərdə şəhid olub. Bu barədə Sputnik Azərbaycan-a Təhsil Nazirliyindən məlumat verilib.
Bildirilib ki, o, cari ilin 15 sentyabr tarixindən sözügedən məktəbdə pedaqoji fəaliyyətə başlamışdı. Təhsil Nazirliyinin rəhbərliyi və kollektivi şəhidimizə Allahdan rəhmət diləyir, yaxınlarına dərin hüznlə başsağlığı verir.
