06:48 06 Dekabr 2020
Canlı yayım
  • USD1.7000
  • RUB0.0274
  • EUR1.9035
XƏBƏRLƏR
Qısa URL
47 0 0

"Füzulinin azad olunmasına görə", "Zəngilanın azad olunmasına görə", "Qubadlının azad olunmasına görə", "Şuşanın azad olunmasına görə", "Ağdamın azad olunmasına görə" və digər medallar təsis olunacaq.

BAKI, 20 noyabr — Sputnik. Azərbaycanda yeni medallar və ordenlər təsis ediləcək. Sputnik Azərbaycan xəbər verir ki, Milli Məclisin bu gün keçirən iclasının gündəliyinə daxil edilən "Vətən Müharibəsində qələbə münasibətilə" Azərbaycan Respublikasının orden və medallarının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" Azərbaycan Respublikasının Qanununda dəyişiklik edilməsi barədə" qanun layihəsində əksini tapıb.

Layihəyə əsasən, "Vətən Müharibəsində qələbə münasibətilə" "Zəfər" və "Qarabağ" ordenləri təsis olunacaq. Eyni zamanda "Vətən Müharibəsi Qəhrəmanı", "Cəsur döyüşçü", "Döyüşdə fərqlənməyə görə", "Suqovuşanın azad olunmasına görə", "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə", "Zəngilanın azad olunmasına görə", "Qubadlının azad olunmasına görə", "Şuşanın azad olunmasına görə", "Kəlbəcərin azad olunmasına görə", "Ağdamın azad olunmasına görə", "Laçının azad olunmasına görə", "Vətən Müharibəsi iştirakçısı" və "Vətən Müharibəsində arxa cəbhədə xidmətlərə görə" medalları təsis olunacaq.

Layihə birinci oxunuşda səsverməyə çıxarılaraq qəbul edilib.

Əsas mövzular