"Azeriqaz" İB abonentlərin şikayətini araşdırmaq üçün nəzarətə başlayıb

© Photo : AZERİQAZİşlər zamanı
İşlər zamanı - Sputnik Azərbaycan
Abunə olmaq
Bu sahədə nəzarət auditinin həyata keçirilməsi məqsədilə bu gün Türk Standartları İnstitutunun Azərbaycan təmsilçiliyinin nümayəndələri də Azərbaycanda olub

BAKI, 19 avqust — Sputnik. “Azəriqaz” İB-də “Müştəri məmnuniyyəti və şikayətlərin araşdırılması” üzrə auditə başlanılıb. Bu barədə "Azeriqaz" İB-dən Sputnik Azərbaycan-a verilən məlumatda bildirilib. Qeyd olunub ki, “Azəriqaz” İstehsalat Birliyində ISO 10002 “Müştəri məmnuniyyəti və şikayətlərin araşdırılması” standartı 2015-ci ildən tətbiq olunur. Həmin tarixdən etibarən bu standartın tələbləri üzrə idarəetmənin təşkilinə başlanılıb. Bu sahədə nəzarət auditinin həyata keçirilməsi məqsədilə bu gün Türk Standartları İnstitutunun Azərbaycan təmsilçiliyinin nümayəndələrinin iştirakı ilə açılış tədbiri keçirilib.

Tədbirdə Birliyin baş direktoru Ruslan Əliyev, baş direktorun əməyin mühafizəsi üzrə müavini Ceyhun Şıxəliyev, Türk Standartları İnstitutunun Azərbaycan təmsilçiliyinin nümayəndələri Arzu Gülhan Yüzereroğlu və Xatirə Salahova, eləcə də aidiyyəti üzrə digər rəsmilər iştirak ediblər.

Bildirilib ki, “Müştəri məmnuniyyəti və şikayətlərin araşdırılması” standartı üzrə keçiriləcək nəzarət auditinə hazırlıq məqsədilə Birliyin 16 struktur bölməsində 1-ci tərəf daxili audit keçirilib və müvafiq qaydada sənədləşdirilmə aparılıb. Daxili audit zamanı struktur bölmələrdə ciddi uyğunsuzluqlar aşkar edilməyib.

Sonda “Azəriqaz” İB-nin rəhbərliyi auditin keçirilməsi üçün lazımi şəraitin yaradıldığını bildirib. Bu proses zamanı hər hansı narahatlığın yaşanmayacağına əminlik ifadə olunub.

 

 

Xəbər lenti
0