CƏMİYYƏT
Cəmiyyətin həyatında baş verən aktual hadisələr

Qənirə Paşayeva: "Dövlət proqramlarının icrasında şəffaflıq təmin olunmalıdır"

© Sputnik / Murad OrujovMillət vəkili Qənirə Paşayeva
Millət vəkili Qənirə Paşayeva - Sputnik Azərbaycan
Abunə olmaq
"Şəkərli diabet, hemofiliya ilə bağlı dövlət proqramlarının icrası başa çatsa da, qarşıya qoyulan məsələlər öz həllini tapmayıb"

BAKI, 5 iyun — Sputnik. "Hesablama Palatasının rəyinə görə, 26 dövlət proqramı hesabatda əks olunmur".

Sputnik Azərbaycan xəbər verir ki, bunu Milli Məclisin bu gün keçirilən plenar iclasında "Azərbaycan Respublikasının 2019-cu il dövlət büdcəsinin icrası haqqında" qanun layihəsinin müzakirəsi zamanı deputat Qənirə Paşayeva deyib.

O bildirib ki, dövlət proqramlarının icrasında şəffaflıq təmin olunmalıdır: "Dövlət proqramının icrası ilə bağlı məlumatlar nəyə görə bu sənəddə əksini tapmamalıdır? Bu, çox vacib sualdır. 26 dövlət proqramının 3-ü birbaşa mədəniyyətlə bağlıdır. DTX-nın Mədəniyyət Nazirliyində apardığı əməliyyatlar nəticəsində burada korrupsiya əməllərini gördük. Ona görə də dövlət proqramlarının icrası ilə bağlı məlumatlar mütləq qeyd edilməlidir. Şəffaflıq dövlət proqramlarının icrası prosesində də əksini tapmalıdır. Məlumat bazasını tam yarada bilmiriksə, burada hansısa şəffaflıqdan danışa bilmərik. Şəkərli diabet, hemofiliya ilə bağlı dövlət proqramlarının icrası başa çatsa da, qarşıya qoyulan məsələlər öz həllini tapmayıb".

Xəbər lenti
0