05:26 23 Oktyabr 2019
Canlı yayım
  • USD1.7000
  • RUB0.0267
  • EUR1.8961
Ərəb turistlər Bakıda, arxiv şəkli

Onların Azərbaycan sevgisi – Rəqəmlər danışır

© Sputnik / Murad Orujov
XƏBƏRLƏR
Qısa URL
14 0 0

Körfəz ölkələrindən Azərbaycana 200 mindən çox turist gəlib və bu rəqəm əvvəlki ilə nisbətdə 30% artıb

BAKI, 11 oktyabr — Sputnik. Azərbaycan Turizm Bürosu əsasən Yaxın Şərq və Şimali Afrika ölkələri üzrə tanınmış "Wego" onlayn turizm platforması ilə əməkdaşlığa başlayıb.

Dövlət Turizm Agentliyindən Sputnik Azərbaycan-a verilən məlumata görə, Azərbaycan Turizm Bürosunun baş icraçı direktoru Florian Zenqstşmid son illərdə Yaxın Şərqdən gələnlərin sayında ciddi artımın müşahidə olunduğunu qeyd edib. Florian Zenqstşmid bu əməkdaşlığın gələcəkdə Avropa və Asiya sərhədində yerləşən, Şərq və Qərbin unikal vəhdəti olan Azərbaycana daha çox turistin səfər etməsinə səbəb olacağını diqqətə çatdırıb.

O, 2018-ci ildə Azərbaycana körfəz ölkələrindən olan 200 mindən çox turistin gəldiyini və bu rəqəmin əvvəlki ilə nisbətdə 30% artım sayıldığını qeyd edib. "Wego" platformasının Yaxın Şərq və Hindistan üzrə direktoru Mamoun Hmedan əməkdaşlığa münasibətini bildirərək Azərbaycanın Yaxın Şərq və Şimali Afrika üzrə ən yaxşı 3 destinasiyadan biri sayıldığını qeyd edib və 2019-cu ildə ötən ilə nisbətdə körfəz ölkələri səyahətçiləri tərəfindən Azərbaycan haqda onlayn axtarışların 60% artdığını bildirib. O, son illər keçirilən beynəlxalq yarışların, istirahət üçün unikal turizm infrastrukturunun, həmçinin qida çeşidlərinin bolluğunun körfəz ölkələri səyahətçiləri üçün Azərbaycanı cəlbedici ölkəyə çevirdiyini vurğulayıb.

Qeyd edək ki, 52 ölkədə nümayəndəliyi olan, veb saytı 20 dildə fəaliyyət göstərən, eyni zamanda tətbiqetməsi 16 milyondan çox insan tərəfindən istifadə edilən "Wego" hotel və uçuşlar üzrə fəaliyyət göstərən 700 saytda baş verən prosesləri real vaxtda istifadəçilərinə təqdim edir.

Əsas mövzular