BAKI, 18 sentyabr — Sputnik. "Azərbaycan Televiziya və Radio Verilişləri" (AzTV) Qapalı Səhmdar Cəmiyyətinin (QSC) nəzdində Azərbaycan Radiosunda Bədii Şura yaradılıb. Sputnik Azərbaycan xəbər verir ki, bu haqda qurumun rəsmi saytında məlumat verilib.
Artıq Bədii Şuranın tərkibi də müəyyən olunub:
1. Rəşad Nəsirov - AzTV–nin sədr müavini
2. İlham Rəhimli – "Mədəniyyət" kanalının direktor müavini
3. Eldost Bayramov – Diktor
4. Ələmdar Quluzadə - "Uşaq verilişləri" redaksiyasının baş redaktoru
5. Şəfəq Əlixanlı – "Ədəbiyyat və İncəsənət" redaksiyasının baş redaktoru
6. Qorxmaz Şıxalıyev - "Səhər" redaksiyasının baş redaktor müavini
7. Rövşən Ramazanlı – "Xəbərlər" redaksiyasının baş redaktor müavini.
Xatırladaq ki, Prezident İlham Əliyevin tapşırığına əsasən, AzTV QSC-də artıq 8 aydır ki, TV sahəsində Bədii Şura fəaliyyət göstərir. Şura hər ay iki dəfə toplanır və müzakirələr aparır. Radioda yaradılan Bədii Şura isə iki aydan bir olmaqla toplanacaq və Azərbaycan Radiosunda yayımlanacaq musiqi və verilişlərin keyfiyyətinə nəzarət edəcək.
