Kamal Almuradlı, Sputnik Azərbaycan
BAKI, 4 iyul — Sputnik. Azərbaycan Dövlət Akademik Musiqili Teatrının 109-cu mövsümü başa çatmaq üzrədir. Bu münasibətlə teatrda təntənəli mükafatlandırma mərasimi keçirilib.
Sputnik Azərbaycan-ın məlumatına görə, tədbirdə Azərbaycan Respublikası Kinematoqrafçılar İttifaqının sədri Şəfiqə Məmmədova, Teatr Xadimləri İttifaqının İdarə Heyətinin sədri Azərpaşa Nemətov, YUĞ teatrının baş rejissoru Mehriban Ələkbərzadə, Azərbaycanın görkəmli teatr rejissoru Cənnət Səlimova, yazıçı dramaturq Əli Əmirli və digər Azərbaycan teatr və kinosunun tanınmış simaları iştirak edib.
Tədbiri giriş sözü ilə teatrın direktoru, əməkdar incəsənət xadimi Əliqismət Lalayev açıb. İlk olaraq gələn qonaqlara təşəkkür edərək geridə qalan mövsümün uğurlu olmasından bəhs edib. Teatrın akademik status alması, həmçinin, aktyorların maaşının artırılmasını xüsusi qeyd edən Lalayev göstərilən etimadı doğruldacaqlarını söyləyib. Daha sonra teatr heyətinin mükafatlandırma mərasimi başlayıb.
Qeyd edək ki, kollektivdə xüsusi yaradıcılıq fəaliyyəti ilə seçilən əməkdaşların mövsümün sonunda mükafatlandırılması Musiqili Teatrda artıq ənənəyə çevrilib. Bu dəfə də müxtəlif nominasiyalar üzrə qaliblərə xüsusi prizlər və pul mükafatları verilib:
1. "Teatrın dostu" – Əli Novruzəliyev ("Atv" kanalının əməkdaşı)
2. "Mövsümün ən yaxşı texniki işçisi" – Aynişan Məmmədova (teatrın geyim sexinin müdiri)
3. "Mövsümün ən işgüzar əməkdaşı" – Sücəddin Sadiyev (teatrın baş inzibatçısı)
4. "Mövsümün ən yaxşı uşaq roluna görə" – Rahib Məmmədzadə
5. "Mövsümün ən yaxşı uşaq roluna görə" – Atilla Məmmədov (adı "Qızıl kitab"a yazılan Prezident təqaüdçüsü)
6. "Mövsümün ən yaxşı uşaq tamaşasında roluna görə" – Zaur Əliyev "Buratino" tamaşasındakı roluna görə
7. "Mövsümün ən yaxşı musiqiçisi" – Atabəy İsmayılov
8. "Mövsümün ən yaxşı xor artisti" – Murad Əliyev
9. "Mövsümün ən yaxşı balet artisti" – Mələkxanım Səfərova
10. "Mövsümün ən yaxşı assistenti"– Tamilla Aslanova
11. "Xarici ölkədə təmsilinə görə" – Nərgiz Kərimova Əməkdar artist
12. "Mövsümün perspektivli aktrisası" – Eleonora Mustafayeva
13. "Mövsümün perspektivli aktyoru" – İbrahim Əlizadə
14. "Mövsümün yubileyi" – İlham Namiq Kamal
(Xalq artisti, "Şöhrət" ordenli, professor)
15. "Mövsümün ən məhsuldar aktyoru " – Fərid Rzayev
16. "Mövsümün ən məhsuldar aktrisası" – Gülnarə Əzizova
17. "Mövsümün sevilən tamaşası" – "Toya bir gün qalmış" Əsgər Əsgərov ( rejissor, Əməkdar incəsənət xadimi )
18. "Mövsümün sevilən aktyoru" (Azərbaycan bölməsi) – Əmrah Dadaşov
19. "Mövsümün sevilən aktyoru" (Rus bölməsi) – Emil Heydərov
Mərasimdə, həmçinin Azərbaycan Respublikasının Xalq artisti Hüseynağa Sadıqovun ailəsinin təsis etdiyi Hüseynağa Sadıqov adına "Büllur alma" mükafatı da təqdim olunub:
1. "Mövsümün ən yaxşı tamaşası" (rejissor işinə görə) – "Balaca Şahzadə" Xalq artisti, "Şöhrət" və "Şərəf" ordenli Prezident təqaüdçüsü Cənnət Səlimova
2. "Mövsümün ən yaxşı tamaşası" (rəssam işinə görə) "Balaca Şahzadə"tamaşasının rəssamı Məryəm Ələkbərli
3. "Mövsümün sevilən aktrisası"- "Şöhrət" ordenli Xalq artisti Afaq Bəşirqızı
Azərbaycan Teatr Xadimləri İttifaqının sədri, Akademik Milli Dram Teatrının bədii rəhbər-direktoru, xalq artisti Azər Paşa Nemətov Akademik Musiqili Teatrın direktoru, sənətşünaslıq üzrə fəlsəfə doktoru, Əməkdar incəsənət xadimi Əliqismət Lalayevi "Sənətkar medalı" ilə, yaradıcılıq fəaliyyətləri ilə seçildiklərinə görə teatrın aktyorlarını - Məhərrəm Qurbanov, Hüseyn Əlili, Əliməmməd Novruzov və Ruslan Mürsəlovu "Fəxri fərman"la təltif edib.
