CƏMİYYƏT
Cəmiyyətin həyatında baş verən aktual hadisələr

Kirayədə yaşayacağı evi almaq istəyənlərə şad xəbər

© Sputnik / Kirill Kallinikov / Mediabanka keçidДом под заселение по программе реновации в Москве
Дом под заселение по программе реновации в Москве - Sputnik Azərbaycan
Abunə olmaq
Vətəndaşlar "ASAN xidmət" mərkəzləri vasitəsilə də kirayə evlərə müraciət edə biləcəklər

BAKI, 11 iyun — Sputnik. Bu il yanvarın 26-da Azərbaycan Prezidenti İlham Əliyev "Yaşayış sahələrini satmaq öhdəliyi ilə kirayəyə vermə mexanizminin yaradılması haqqında" fərman imzalayıb. Artıq fərmanın icrasını təmin etmək məqsədilə bir sıra qanunverici aktlara dəyişiklik edilib.

Çoxmərtəbəli yaşayış evləri - Sputnik Azərbaycan
CƏMİYYƏT
Mənzil bazarında yeni canlanma gözlənilir - "Kirayə evlər" gəlir

Bu dəyişikliklərdə nələr nəzərdə tutulur və nə zamandan vətəndaşlar satın almaq məqsədilə kirayə mənzilə sahib ola biləcəklər?

İqtisadçı-alim Vüqar Bayramov bu sualları cavablayıb. "Facebook" profilindən müəyyən qaranlıq məqamlara aydınlıq gətirən ekspertin fikrincə, son fərman kirayə mənzil fondunun yaradılması ilə bağlı mexanizmin hazırlanmasının yekunlaşdığından xəbər verir: "Bu o deməkdir ki, yaxın zamanlarda artıq vətəndaşlarımız kirayə mənzilə müraciət edə biləcəklər. Eyni zamanda elektron ipoteka portalında da kirayə mənzillərə müraciət baş tutacaq".

"Fondun təklif edəcəyi mənzillər ilə bağlı kirayə yaşayış sahələri barədə ətraflı məlumatın (binanın və ya yaşayış evinin ünvanı, yaşayış sahəsinin sayı, yerləşdiyi mərtəbə, mənzilin sahəsi, otaqların sayı, plan-cizgisi, aylıq ödənişi və s.) və bu məlumatlar üzrə sadə axtarış imkanının yaradılması həyata keçiriləcək. Burada da məqsəd kirayə mənzilə sahib olmaq istəyən vətəndaşlarımızın zonalar və eləcə də mənzil parametrləri üzrə məlumatları axtarış sistemi vasitəsilə əldə etmələridir", - deyə ekspert əlavə edib.

Açarla açılmış qapı, arxiv şəkli - Sputnik Azərbaycan
CƏMİYYƏT
Ekspert kirayə mənzilə sahiblənmək qaydalarını açıqladı – SİYAHI

İqtisadçı bildirib ki, digər tərəfdən, kirayə müqaviləsi bağlamaq üçün müraciət etmiş şəxsin imkanının kirayə kalkulyatoru vasitəsilə ilkin olaraq müəyyənləşdirilməsi üçün kalkulyatorun hazırlanması həyata keçiriləcək. O, digər mühüm məqamla da bağlı məlumat verib: "Digər vacib dəyişiklik kirayə mənzil üçün müraciətin yalnız İpoteka və Kredit Zəmanət Fondu vasitəsi ilə deyil, həmçinin "ASAN xidmət" mərkəzləri vasitəsilə həyata keçiriləcəyidir. Vətəndaşlar həmçinin "ASAN xidmət" mərkəzləri vasitəsilə də kirayə evlər üçün müraciət edə biləcəklər".

Qeyd edək ki, evi kirayə götürmək üçün aşağıdakı sənədlər tələb olunacaq:

- Kirayə müqaviləsini bağlamaq üçün müraciət edən şəxsin şəxsiyyətini təsdiq edən sənəd;

- Kirayə müqaviləsini bağlamaq üçün müraciət edən şəxsin nikah (və ya nikahın pozulması) haqqında şəhadətnaməsi;

- Kirayə müqaviləsini bağlamaq üçün müraciət edən şəxsin iş yerini və gəlirlərini təsdiq edən məlumatlar;

- Kirayə müqaviləsini bağlamaq üçün müraciət edən şəxsin ailə tərkibi barədə məlumatlar;

- Kirayə müqaviləsini bağlamaq üçün müraciət edən şəxsin vergi orqanları tərəfindən qəbul olunmuş gəlir vergisi və ya sadələşdirilmiş vergi bəyannaməsi;

- Kirayə müqaviləsini bağlamaq üçün müraciət edən şəxsin kredit bürolarında saxlanılan məlumatları;

- Kirayə müqaviləsini bağlamaq üçün müraciət edən şəxsin sosial sığorta ödənişləri barədə məlumatlar;

- Kirayə müqaviləsini bağlamaq üçün müraciət edən şəxsin məhkumluğunun olması (olmaması) barədə məlumatlar;

Qeyd edək ki, kirayə evlər üçün müraciət elektron formada olacaq və müraciətlərə növbəlilik əsasında baxılacaq.

 

Xəbər lenti
0