“Ölkənin valyuta ehtiyatı 3 milyard dollar artaraq 45 milyard dollar olub”

© Sputnik / Murad OrujovMilli Məclisin sədri Oqtay Əsədov, arxiv şəkli
Milli Məclisin sədri Oqtay Əsədov, arxiv şəkli - Sputnik Azərbaycan
Abunə olmaq
Hazırda Baş nazir Novruz Məmmədov illik hesabatı təqdim edir

BAKI, 15 mart - Sputnik. “Nüfuzlu reytinq agentlikləri Azərbaycanda aparılan islahatları yüksək qiymətləndirib. Kredit reytinqinə görə Azərbaycanın mövqeyi əhəmiyyətli dərəcədə yaxşılaşıb. Ölkənin valyuta ehtiyatı 3 milyard dollar artaraq ilin sonuna 45 milyard dollar olub. İqtisadi islahatların nəticəsidir ki, dünyada mürəkkəb proseslərin getdiyi bir şəraitdə Azərbaycan iqtisadiyyatının dayanıqlığı təmin olunub”. 

Здание парламента Азербайджанской Республики - Sputnik Azərbaycan
Milli Məclis toplanıb

Sputnik Azərbaycan xəbər verir ki, bunu Milli Məclisdə Nazirlər Kabinetinin 2018-ci il üzrə fəaliyyəti haqqında hesabatının təqdimatına başlayarkən parlament sədri Oqtay Əsədov deyib.

O bildirib ki, ötən il Azərbaycanın sosial-iqtisadi həyatında əlamətdar il olub, dərin iqtisadi islahatlar həyata keçirilib.

“2019-cu ilin əvvəlində minimum əməkhaqqının, əmək pensiyasının, sosial müavinətlərin əhəmiyyətli dərəcədə artırılması, xarici valyutada olan kreditlərin artan hissəsi ilə bağlı qərarın qəbul edilməsi 2018-ci ildə həyata keçirilən tədbirlərin nəticəsidir” – deyə Oqtay Əsədov qeyd edib.

Hazırda Baş nazir Novruz Məmmədov illik hesabatı təqdim edir.

Xəbər lenti
0