03:29 24 Avqust 2019
Canlı yayım
  • USD1.7000
  • RUB0.0259
  • EUR1.8816
Bakı Şəhər İcra Hakimiyyətinin binası

Milli Şuranın mitinqinə icazə verilmədi

CC BY 2.0 / Francisco Anzola / City hall
XƏBƏRLƏR
Qısa URL
114 0 0

BŞİH: Ötən mitinqdə yol verilmiş qanun pozuntuları şəhər sakinlərinin narazılığına səbəb olub

BAKI, 27 fevral — Sputnik. Milli Şuranın martın 2-də keçirmək istədiyi mitinqə icazə verilməyib. Bu barədə Sputnik Azərbaycan-a Bakı Şəhər İcra Hakimiyyətinin (BŞİH) mətbuat xidmətindən məlumat verilib.

Bildirilib ki, bu gün BŞİH-in cavab məktubunu təşkilatçılardan Vidadi Məhərrəmov və İlham Hüseyn​ götürüb. Məktubda qeyd olunub ki, Milli Şuranın yanvarın 19-da keçirdiyi mitinqdən dərhal sonra bəzi toplantı iştirakçıları tərəfindən yol verilmiş qanun pozuntuları, ictimai təhlükəsizlik əleyhinə olan əməllər törətmələri və polisin qanuni tələblərinə qarşı tabesizlik göstərmələri şəhər sakinlərinin haqlı narazılığına, Bakı Şəhər İcra Hakimiyyətinə və hüquq mühafizə orqanlarına çoxsaylı müraciətlərinə səbəb olub və bu haqda müraciətlər hələ də davam etməkdədir.

Bununla əlaqədar Bakı Şəhər Baş Polis İdarəsi tərəfindən Bakı Şəhər İcra Hakimiyyətinə müvafiq müraciətlər ünvanlanıb. Bu da mitinq təşkilatçılarının "Sərbəst toplaşmaq azadlığı haqqında" qanununun 12-ci maddəsində nəzərdə tutulmuş vəzifələri yerinə yetirmək imkanında olmadıqları qənaəti yaradır.

"Qeyd olunanları və "Sərbəst toplaşmaq azadlığı haqqında" qanununun 7-ci maddəsinin I hissəsini nəzərə alaraq 2 mart 2019-cu il tarixdə Bakı şəhəri, Yasamal rayonu, M.Seyidov küçəsi, 3155-ci məhəllədə yerləşən Yasamal Rayon İdman-Sağlamlıq Kompleksinin stadionunda planlaşdırılan mitinq məqsədəuyğun hesab edilmir" - deyə BŞİH-dən vurğulanıb.

Əlaqədar

Polis mitinq təşkilatçılarına xəbərdarlıq edib
Müxalifətin 26 yanvar mitinqi qadağan edildi
Brüsseldə ümumavropa Qarabağ mitinqi olub
Teqlər:
BŞİH, Bakı şəhər İcra Hakimiyyəti, mitinq, Milli Şura

Əsas mövzular