BAKI, 15 yanvar — Sputnik. Rusiya prezidentinin mətbuat katibi Dmitri Peskov dünyada baş verən hansı hadisənin Vladimir Putini daha çox narahat etdiyini açıqlayıb. Sputnik Azərbaycan xəbər verir ki, bu barədə Peskov "Arqumenti i faktı" nəşrinə müsahibəsində açıqlama verib.
Onun sözlərinə görə, Putini daha çox ölkə daxilində baş verənlər narahat edir: "Nə də olsa, prezidenti hər şeydən əvvəl ölkədə baş verənlər narahat edir. Bu, həmişə belə olur".
Peskov əlavə edib ki, xarici siyasətdə daha önəmli məsələlər Suriya münaqişəsi, Ukrayna və ABŞ-la münasibətlərimizdir.
