BAKI, 25 dekabr — Sputnik. WhatsApp yeni funksiyasını istifadəçilərinə təqdim edib. Sputnik Azərbaycan xarici mətbuata istinadla xəbər verir ki, bundan sonra Youtube videoları WhatsApp daxilində izlənilə biləcək.
Qeyd edək ki, ilin əvvəlindən bu funksiya iOS istifadəçləri üçün açılmışdı. WhatsApp artıq bu xusisiyyəti Android istifadəçiləri üçün də açıb. Bu funksiya nəticəsində Facebook, Tvitter, İnstagram və Youtube-da paylaşılan bütün videolara WhatsApp-dan çıxmadan baxmaq olacaq. Windows Phone üçün isə bu xüsusiyyət hələ açılmayıb.
