ABŞ-da Azərbaycanla bağlı bəyannamə qəbul edilib

Abunə olmaq
Sənəddə xalqımızın müsəlman dünyasında ilk dünyəvi və demokratik respublika yaratdığı qeyd olunub

BAKI, 16 oktyabr — Sputnik. ABŞ-ın San-Fransisko şəhəri və vilayətinin Nəzarətçilər Şurası 18 oktyabr — Azərbaycan Respublikasının Müstəqillik Günü ilə əlaqədar təbrik bəyannaməsi qəbul edib. Sputnik Azərbaycan xəbər verir ki, sənəd Azərbaycanın Los-Ancelesdəki Baş Konsulluğuna göndərilib.

Əhali artımı - Sputnik Azərbaycan
İNFOQRAFİKA
Azərbaycan: Müstəqillik illəri və demoqrafiya

Nəzarətçilər Şurasının bütün üzvlərinin imzaladığı bəyannamədə Azərbaycan xalqının müsəlman dünyasında ilk dünyəvi və demokratik respublika yaratdığı və regionda demokratiyanın yayılması və inkişafına önəmli töhfələr verərək böyük nailiyyətlərə imza atdığı vurğulanıb.

Daha sonra sənəddə San-Fransisko sakinləri və Nəzarətçilər Şurası adından Azərbaycan Respublikasının Müstəqillik Günü təbrik edilib.

Qeyd edək ki, ABŞ-ın və Kaliforniyanın ən böyük şəhərlərindən olan San-Fransisko Şimali Kaliforniyanın əsas mədəniyyət, təhsil, maliyyə və iqtisadi mərkəzidir. 900 minə yaxın əhalisi olan şəhər ABŞ-da əhalinin ən sıx məskunlaşdığı ikinci böyük şəhərdir.

Xəbər lenti
0