Parlamentdə diqqətçəkən çağırış: 6 ay ərzində heç bir məmur işdən çıxarılmasın

© Sputnik / Murad OrujovЗаседание парламента Азербайджана, фото из архива
Заседание парламента Азербайджана, фото из архива - Sputnik Azərbaycan
Abunə olmaq
Fazil Mustafa: "Azərbaycanda "Məmurların hüquqlarının müdafiəsi haqqında" qanun layihəsinin hazırlanmasına böyük ehtiyac var"

BAKI, 1 oktyabr — Sputnik. "Azərbaycanda "Məmurların hüquqlarının müdafiəsi haqqında" qanun layihəsinin hazırlanmasına böyük ehtiyac var. Ölkəmizdə tez-tez kadr dəyişiklikləri olur".

Milli Məclisin sədri Oqtay Əsədov, arxiv şəkli - Sputnik Azərbaycan
"Milli Məclis dövlətimizin uzaqgörən siyasətini dəstəkləmək naminə əlindən gələni edəcək"

Sputnik Azərbaycan-ın məlumatına görə, bunu Milli Məclisin bu gün keçirilən plenar iclasında çxıış edən millət vəkili Fazil Mustafa deyib. Deputat bildirib ki, tez-tez mətbuatda nazirliklərin mətbuat xidmətinin məlumatı ilə tanış olan zaman görünür ki, 5 nəfər işdən çıxarıldı, filankəs filan vəzifəyə təyin olundu və s.

"Biz bu kimi hallara görə, məmurların hüquqlarını müdafiə edən qanun hazırlamalıyıq. Məmurların əksəriyyəti qanunlarla işləmək istəyən dürüst insanlardır. Ancaq rəhbər vəzifəsinə təyin olunan bir şəxs həmin yerdə dəyişiklik edir. Həmin məmurları işdən çıxarır" — F.Mustafa bildirib.

Bunun yolverilməz olduğunu qeyd edən millət vəkilinin sözlərinə görə, peşəkar məmurun hazırlanmasına 10-15 il vaxt sərf olunur: "Bəlkə dövlət başçısı rəhbər təyin etdiyi şəxslər qarşısında belə bir tapşırıq qoysun ki, 6 ay ərzində heç kimə toxunmasınlar. Hesab edirəm ki, məmurun qorunması mexanizmi vacibdir".

Xəbər lenti
0