Qırğız prezident həmkarlarının şərəfinə ziyafət verib

© Official website of President of Azerbaijan Republicİlham Əliyev Türkdilli Dövlətlərin Əməkdaşlıq Şurasına üzv olan dövlətlərin başçılarının şərəfinə verilən rəsmi ziyafətdə iştirak edib
İlham Əliyev Türkdilli Dövlətlərin Əməkdaşlıq Şurasına üzv olan dövlətlərin başçılarının şərəfinə verilən rəsmi ziyafətdə iştirak edib - Sputnik Azərbaycan
Abunə olmaq
İlham Əliyev Türkdilli Dövlətlərin Əməkdaşlıq Şurasına üzv olan dövlətlərin başçılarının şərəfinə verilən rəsmi ziyafətdə iştirak edib

BAKI, 3 sentyabr — Sputnik. Çolpon-Ata şəhərində Qırğızıstan Respublikasının prezidenti Sooronbay Jeenbekovun adından Türkdilli Dövlətlərin Əməkdaşlıq Şurasına üzv olan dövlətlərin başçılarının şərəfinə rəsmi ziyafət verilib. Sputnik Azərbaycan dövlət başçısının rəsmi saytına istinadən xəbər verir ki, Azərbaycan Respublikasının prezidenti İlham Əliyev ziyafətdə iştirak edib.

Azərbaycan prezidenti İlham Əliyev - Sputnik Azərbaycan
SİYASƏT
Azərbaycan prezidenti Qırğız Respublikasında səfərdədir

Qeyd edək ki, sentyabrın 3-də Qırğızıstan Respublikasının Çolpon-Ata şəhərindəki Çingiz Aytmatov adına "Rux Ordo" Mədəniyyət Mərkəzində Türkdilli Dövlətlərin Əməkdaşlıq Şurasının (TDƏŞ) VI Sammiti işə başlayıb. Azərbaycan Respublikasının prezidenti İlham Əliyev Sammitdə iştirak edir.

Sputnik Azərbaycan dövlət başçısının rəsmi saytına istinadən xəbər verir ki, Qırğız Respublikasının prezidenti Sooronbay Jeenbekov Sammitdə iştirak edən Azərbaycan prezidenti İlham Əliyevi, Qazaxıstan prezidenti Nursultan Nazarbayevi, Türkiyə prezidenti Rəcəb Tayyib Ərdoğanı, Rusiya Federasiyası Tatarıstan Respublikasının prezidenti Rüstəm Minnixanovu, Macarıstanın baş naziri Viktor Orbanı qarşılayıb.

Dövlət və hökumət başçıları Çingiz Aytmatov adına "Rux Ordo" Mədəniyyət Mərkəzinin ərazisini gəziblər, burada açıq havada nümayiş etdirilən, qırğız xalqının görkəmli şəxsiyyətlərinin abidələrinə, eləcə də bu ölkənin tarixini, mədəniyyətini əks etdirən abidələrə baxıblar. Sonra birgə foto çəkdirilib.

İlham Əliyevin Qırğızıstan Prezidenti Sooronbay Jeenbekov ilə görüşü olub - Sputnik Azərbaycan
Türk respublikalarının liderləri bir araya gəldilər

Sammitin açılışında çıxış edən TDƏŞ-in hazırkı sədri, Qazaxıstan prezidenti Nursultan Nazarbayev tədbirin yüksək səviyyədə təşkilinə və qonaqpərvərliyə görə Qırğız Respublikasının prezidentinə minnətdarlığını bildirib. Prezident Nursultan Nazarbayev deyib ki, VI Sammitdə Özbəkistan və Macarıstanın da iştirak etməsi təşkilatın fəaliyyətinin genişlənməsinin və həmrəyliyin gücləndirilməsinin göstəricisidir. Türk Şurasının fəaliyyətinin güclənməsi ortaya çıxan hədəflərə nail olunmasına mühüm töhfə verəcək.

Sonra Qırğızıstan prezidenti Sooronbay Jeenbekov, Azərbaycan prezidenti İlham Əliyev və digər dövlət və hökumət başçıları çıxış ediblər. Sammit işini davam etdirir.

Bu arada, sözügedən sammit çərçivəsində sentyabrın 3-də Çolpon-Ata şəhərində Azərbaycan Respublikasının prezidenti İlham Əliyevin Qırğızıstan Respublikasının prezidenti Sooronbay Jeenbekov ilə görüşü olub.

Xəbər lenti
0