BAKI, 23 iyul — Sputnik. Xəbər verdiyimiz kimi, iyulun 22-də Xaçmaz rayonunun Nabran qəsəbəsində yerləşən istirahət mərkəzlərinin birində 3 yaşlı İsmayıl Elçin oğlu Novruzov naməlum şəraitdə itkin düşüb. Uşağın axtarışlarına Fövqəladə Hallar Nazirliyinin və Ekologiya və Təbii Sərvətlər Nazirliyinin əməkdaşları cəlb olunub.
Sputnik Azərbaycan-a uşağın babası İsmayıl Novruzovdan daxil olmuş məlumata görə, azyaşlı elə indilərdə tapılıb. O, Nabranda yerləşən başqa bir istirahət mərkəzinin ərazisindən axan çayın kənarında, meşəlikdə aşkarlanıb.
Babası uşağın səhhətində heç bir problemin olmadığını da qeyd edib.
