CƏMİYYƏT
Cəmiyyətin həyatında baş verən aktual hadisələr

Azərbaycanda bütün mobil operatorlar qiymətləri qaldırdı

CC0 / FirmBee / phoneРазговор по телефону в офисе. Архивное фото
Разговор по телефону в офисе. Архивное фото - Sputnik Azərbaycan
Abunə olmaq
"Azercell Telekom" MMC: Bizə qarşı yönəldilmiş "inhisarçılıq", "soyğunçuluq" və sair qərəzli ittihamlar tamamilə əsassızdır

Təranə Xudabaxşiyeva, Sputnik Azərbaycan

BAKI, 19 iyul — Sputnik. "Azercell Telekom" MMC öz abunəçilərinə 15.08.2018-ci il tarixindən etibarən "Asan İmza" xidmətindən istifadə üçün hər faktura dövrünə görə abunə haqqının ƏDV daxil 2.50 AZN məbləğində təyin edildiyi barədə xəbərdarlıq edib.

ASAN İmza saytının istifadəçisi - Sputnik Azərbaycan
CƏMİYYƏT
“ASAN İmza” problemindən çıxış yolu: özünüzü çətinə salmayın

Sputnik Azərbaycan "Azercell Telekom" MMC-yə sorğu göndərərək "Asan nömrə"nin aylıq ödənişinin hansı səbəbdən 1 AZN-dən 2.50 AZN-ə qaldırıldığını öyrənməyə çalışıb. "Azercell Telekom" MMC-nin mətbuat xidmətindən sorğumuza belə cavab verilib:

"Qeyd edək ki, 16.07.2018-ci il tarixində "Azercell Telekom" MMC rəsmi mətbuat orqanları vasitəsilə öz abunəçilərini "Asan İmza" Xidmətinin istifadəsi ilə bağlı "ASAN İmza" xidməti üzrə aylıq abunə haqqı dəyişikliyi barədə məlumatlandırıb. Belə ki, rəsmi məlumata əsasən, 15.08.2018-ci il tarixindən etibarən "Asan İmza" xidmətindən istifadəyə görə əhali, sahibkarlıq fəaliyyəti ilə məşğul olan hüquqi və fiziki şəxslər, hüquqi şəxslərin nümayəndələri və dövlət hakimiyyəti və yerli özünüidarəetmə orqanları əməkdaşları olan abunəçilər üçün hər faktura dövrünə görə abunə haqqı ƏDV daxil 2.50 AZN məbləğində təyin edilib. Bu xidmət ilə əlaqədar göndərilən 1 SMS ismarıcın (transaksiya) qiyməti isə 0,00 AZN təşkil edəcək".

"Azercell Telekom" MMC-dən bildirilib ki, qiymət artımı ilə bağlı təklif "Asan İmza" xidmətinin birbaşa təminatçısı "Best Solutions" şirkəti tərəfindən irəli sürülüb: "Buna səbəb isə xidmətin maya dəyərini təşkil edən zəruri xərclərin əhəmiyyətli artması olub. Odur ki, göstərilən tarif dəyişikliyinin respublikanın mobil kommunikasiya bazarında fəaliyyət göstərən digər mobil operatorlar tərəfindən də eyni 15.08.2018-ci il tarixindən etibarən tətbiqi nəzərdə tutulur".

Qurumdan o da qeyd olunub ki, bütün qeyd olunanları nəzərə alaraq ayrı-ayrı şəxslər tərəfindən sosial media vasitəsilə "Azercell Telekom" MMC-yə qarşı yönəldilmiş "inhisarçılıq", "soyğunçuluq" və sair qərəzli ittihamlar tamamilə əsassızdır və qüvvədə olan qanunvericilikdə həmin şəxslərin məsuliyyətini nəzərdə tutan təqsirli əməli təşkil edir.

Xəbər lenti
0