Türkiyədəki "İncirlik" hərbi bazasının aqibətinə aydınlıq gətirildi

© AFP 2023İncirlik Hərbi Hava Bazası
İncirlik Hərbi Hava Bazası - Sputnik Azərbaycan
Abunə olmaq
Amerikalı general: "İncirlik"dən çıxmaq niyyətimiz yoxdur"

BAKI, 2 iyul — Sputnik. "Buradakı varlığımız, müttəfiq və strateji partnyorumuz olan Türkiyə ilə on illərdir davam edən əməkdaşlıq istəyimizin simvoludur. Birləşmiş Ştatların "İncirlik" hərbi bazasından çıxmaq kimi planları yoxdur".

Sputnik Azərbaycan xəbər verir ki, bunu "Haberturk"-ə müsahibəsində "İncirlik" hərbi bazasının komandanı, amerikalı polkovnik David S.Eaglin bildirib. O qeyd edib ki, qurulduğu vaxtdan etibarən "İncirlik" həm ABŞ, həm Türkiyə, həm də digər NATO müttəfiqləri üçün olduqca strateji yer olub.

Türkiyə Silahlı Qüvvələri Baş Qərargahının rəisi Hulusi Akar və Amerikanın Baş Qərargah rəisi Cozef Danford - Sputnik Azərbaycan
"İncirlik" hərbi bazasında sürpriz görüş

Amerikalı polkovnik hərbi bazada nə qədər adamın olması barədə məlumatı paylaşmaqdan imtina edib: "Təhlükəsizlik səbəbindən dəqiq rəqəm deyə bilmərəm. Ancaq mindən yuxarı amerikalı personal var. Onlar mindən yuxarı NATO və Türk Hava Qüvvələrindən olan şəxslərlə birlikdə işləyirlər".

Eaglin Türkiyənin Rusiyadan "S-400" zenit-raket kompleksləri alması və bu raketlərin "İncirlik" hərbi bazasında yerləşdirmək ehtimalı barədə xəbərlərə də münasibət bildirib: "Raketlərin alınması qərarı tamamilə Türkiyənin haqqıdır. Özünüzü qoruma haqqınıza tamamilə hörmət edirik. Lakin Pentaqon "S-400" ilə bağlı fikirlərini səsləndirib. "S-400"-lərin alınmasının Türkiyənin ABŞ və NATO ilə müdafiə sahəsində münasibətlərinə necə təsir edəcəyi dilə gətirilib".

Amerikalı polkovnik İŞİD ilə mübarizədə əldə olunan uğurlar nəticəsində terror təşkilatına qarşı hərbi bazadan heç bir hava əməliyyatının keçirilmədiyini də diqqətə çatdırıb. O, həmçinin hazırda "İncirlik" hərbi bazasında döyüş təyyarələrinin olmadığını da diqqətə çatdırıb.

Jurnalistin iki il əvvəl 15 iyulda "İncirlik" hərbi bazasının Türkiyədə çevriliş cəhdinin mərkəzi olaraq görülməsi sualını isə Eaglin cavablandırmaqdan imtina edib.

Xəbər lenti
0