Azərbaycandan Türkiyəyə gedən yol iki dəfə qısalır

© Photo : FB / Ministry of Finance of GeorgiaТПП "Красный мост"
ТПП Красный мост - Sputnik Azərbaycan
Abunə olmaq
Yolun bəzi yerlərində sürət həddi 80-100 faiz, yəni iki dəfə artacaq

BAKI, 14 iyun — Sputnik. "Qırmızı Körpü" Sərhəd Keçid Məntəqəsindən (Gürcüstan – Azərbaycan sərhədindən) "Sarpi" Sərhəd Keçid Məntəqəsinə (Gürcüstan — Türkiyə sərhədi) qədər olan yol dörd saata qədər qısalacaq. Sputnik Gürcüstan xəbər verir ki, bunu Gürcüstan Regional İnkişaf və İnfrastruktur Nazirliyinin Avtomobil Yolları Departmentinin rəhbəri İrakliy Karseladze bildirib.

Sınıqkörpü sərhəd gömrük məntəqəsi - Sputnik Azərbaycan
Azərbaycan-Gürcüstan sərhədində yenilik ediləcək

O, diplomatik korpusun nümayəndələrini planlaşdırılan genişmiqyaslı infrastruktur layihələri ilə tanış edib: "Dəhlizin tam uzunluğu qısalacaq, hərəkət müddəti azalacaq. Əgər "Qırmızı Körpü"dən "Sarpi"yə getmək üçün 7-8 saat lazım idisə, işlərin bitməsindən sonra bu, 4-4,5-a qədər enəcək. Yolun bəzi yerlərində sürət həddi 80-100%, yəni iki dəfə artacaq".

Karseladzenin sözlərinə görə, yaxın gələcəkdə nazirlik Qərbi Gürcüstanla Şərqi Gürcüstanı birləşdirən Rikotsk dərəsində tikinti işləri üçün tender elan etməyi planlaşdırır. Həmçinin Mtsxeta – Stepançminda – Lars beynəxlalq avtomagistralının bir hissəsi olacaq Kveşeti – Kobi yolunda dəyişikliklər planlaşdırılır.

"Rikotsk dərəsində 50 kilometrdən artıq yolun tikintisi nəzərdə tutulur ki, yolun üzərində 96 körpü və 53 tunel olacaq. Kveçeti – Kobi yolunun uzunluğu 22,7 kilometr olacaq ki, burada 6 körpü və 5 tunel olacaq. Bu tunellərdən biri Gürcüstanın ən böyük tuneli (9 kilometr) olacaq. Bu layihələrin həyata keçirilməsi üçün ümumilikdə iki milyard dollara yaxın vəsait xərclənəcək" — deyə Departament rəhbəri vurğulayıb.

Xəbər lenti
0