Hindistanlılar Azərbaycan sərhəddini pozarkən yaxalandılar

© Sputnik / Viktor Tolochko / Mediabanka keçidПограничная вышка наблюдения, фото из архива
Пограничная вышка наблюдения, фото из архива - Sputnik Azərbaycan
Abunə olmaq
Araşdırma zamanı saxlanılmış sərhəd pozucularının Gürcüstan ərazisinə keç­məyə cəhd göstərmələri müəyyənləşib

Bakı, 2 may — Sputnik. Dövlət Sərhəd Xidməti (DSX) əməkdaşlarının sayıqlığı və pe­şə­kar­lığı sayəsində 4 nəfər əcnəbi vətəndaş tərəfindən dövlət sər­hə­di­nin pozulmasının qarşısı alınıb. DSX-nin mətbuat mərkəzindən Sputnik Azərbaycan-a verilən məlumatda qeyd olunur ki, Xidmətin "Şəmkir" sərhəd dəstəsinin xid­məti ərazisində Ağstafa rayonunun Sa­dıxlı kəndi yaxınlığındakı sərhəd zastavasının xidməti sahəsində döv­lət sər­hə­dini pozarkən 4 sərhəd pozucusu saxlanılıb.

Araşdırma zamanı Azərbaycan Respublikasından Gürcüstan isti­qamətində dövlət sərhədini pozmağa cəhd göstərən şəxslərin Hin­dis­tan vətəndaşları — 1995-ci il təvəllüdlü Dhak Mazara, 1993-cü il təvəl­lüdlü Singh Sukhdeep və Pakistan vətəndaşları — 1969-cu il təvəllüdlü İmtiaz Muhammed, 2002-ci il təvəllüdlü Həsən Əli olması müəyyənləşib. Sərhəd pozucularının üzərinə baxış zamanı 2 ədəd mobil telefon, 4 ədəd pasport, 2 ədəd simkart, 3 ədəd kredit kartı, 500 avro, 357 ABŞ dolları, 63 Azərbaycan manatı, 5190 Pa­kistan rupisi aşkarlanıb.

Araşdırma zamanı saxlanılmış sərhəd pozucularının Azərbaycan Respublikası ərazisinə rəsmi qaydada daxil olmaları, Avropa ölkələ­ri­nə getmək məqsədilə dövlət sərhədini poz­­araq, Gürcüstan ərazisinə keç­məyə cəhd göstərmələri müəyyənləşib.

Saxlanılmış şəxslər barəsində zəruri əməliyyat-istintaq tədbirləri həyata keçirilir.

Xəbər lenti
0