01:44 23 Aprel 2018
Canlı yayım
Türkiyə və ABŞ bayraqları

Ankaradan sürpriz açıqlama: Türkiyə Rusiyadan üz çevirdi?

© AFP 2018 / MURAD SEZER
XƏBƏRLƏR
Qısa URL
1805 0 0

Aksoy bildirib ki, məsələ ilə bağlı olaraq XİN müşaviri Ümit Yalçın gələn həftə Vaşinqtona gedəcək

Bakı, 23 mart — Sputnik. "Raket əleyhinə müdafiə sistemi "Patriot" ala bilmək üçün Amerika ilə müzakirələr aparırıq". Sputnik Türkiyə xəbər verir ki, bunu Türkiyə Xarici İşlər Nazirliyinin mətbuat katibi Hami Aksoy jurnalistlərlə görüşündə deyib.

Aksoy bildirib ki, məsələ ilə bağlı olaraq XİN müşaviri Ümit Yalçın gələn həftə Vaşinqtona gedəcək.

"Səfərdə qarşı tərəflə bir neçə başlıqda danışıqlar olacaq. Başda Menbiç məsələsi olmaqla, raket əleyhinə müdafiə sistemi, iki tərəfli əlaqələr də müzakirə olunacaq. Hazırda "Patriot" ala bilmək üçün amerikalı həmkarlarımızla mütəmadi danışıqlar aparırıq. Menbiçdəki vəziyyətə gəlincə, Türkiyə orada PYD-ni görmək istəmir. Bunu dəfələrlə ABŞ-a bildirdik. Müzakirələrin sonunda ortaq nöqtəyə gələcəyimizə inanırıq", — sözçü qeyd edib.

Xatırladaq ki, Türkiyə 3 il öncə "Patriot" raket müdafiə sistemi almaq üçün ABŞ-a müraciət etsə də, Vaşinqton Ankaranın tələbinə cavab verməmişdi. Daha sonra rəsmi Ankara Moskva ilə danışıqlar aparmış, ruslarla "S-400" zenit raket kompleksi müqaviləsi imzalanmışdı.     

Əlaqədar

Türkiyə ilə ABŞ arasında yeni böhran - Bu dəfə Aralıq dənizində
Türkiyə ABŞ-ın yalanının üstünü açdı
Türkiyə XİN: ABŞ-ın qərarı son dərəcə narahatedicidir
Türkiyə baş nazirindən ABŞ-la müharibə anonsu
ABŞ-Türkiyə qapalı danışıqlarının detalları açıqlandı
Türkiyə ABŞ-ı açıq hədəfə aldı

Əsas mövzular