BAKI, 29 dekabr — Sputnik. Sabahdan Azərbaycanda 5 günlük tətil başlayır. Sputnik Azərbaycan xəbər verir ki, bu ilin dekabrın 31-də Dünya Azərbaycanlılarının Həmrəyliyi Günü, 2018-ci ilin yanvarın 1-də və 2-də Yeni il bayramı ilə əlaqədar iş olmayacaq.
Dekabrın 31-i bazar gününə təsadüf etdiyindən Əmək Məcəlləsinə əsasən, növbəti iş günü, yəni yanvarın 3-ü də qeyri-iş günü hesab ediləcək. Yanvarın 4-ü Yeni ilin və yeni iş həftəsinin ilk iş günüdür.
