CƏMİYYƏT
Cəmiyyətin həyatında baş verən aktual hadisələr

Azərbaycanda səfirliklərin mühafizəsinin gücləndirilməsi barədə əmr verildi

© Sputnik / Murad OrujovСотрудники полиции в Баку, фото из архива
Сотрудники полиции в Баку, фото из архива - Sputnik Azərbaycan
Abunə olmaq
Bayram günlərində mühüm əhəmiyyətli obyektlərin, o cümlədən xarici ölkələrin diplomatik nümayəndəliklərinin mühafizəsi də ciddi nəzarətdə saxlanılacaq

BAKI, 27 dekabr — Sputnik. Azərbaycan polisi bayram günlərində gücləndirilmiş rejimdə işləyəcək. Sputnik Azərbaycan xəbər verir ki, 31 dekabr — Dünya Azərbaycanlılarının Həmrəyliyi Günü və Yeni il bayramı ilə əlaqədar 2017-ci il dekabrın 31-dən 2018-ci il yanvarın 4-dək daxili işlər orqanlarının şəxsi heyəti gücləndirilmiş iş rejimində fəaliyyət göstərəcək.

Polis İdarəsi.Arxiv şəkli - Sputnik Azərbaycan
CƏMİYYƏT
Azərbaycanda dörd polis bölməsinin rəisi dəyişdi – TƏYİNAT

Bununla bağlı daxili işlər naziri, general-polkovnik Ramil Usubov müvafiq əmr imzalayıb. Əmrə əsasən, 31 Dekabr — Dünya Azərbaycanlılarının Həmrəyliyi Günü və Yeni il bayramı ilə əlaqədar nazirliyin bütün orqan və hissələrinin şəxsi heyəti ictimai asayişin və təhlükəsizliyin daha nümunəvi təmin edilməsi üçün bayram ərəfəsində və bayram günləri xidməti fəaliyyətlərini gücləndirilmiş iş rejimində həyata keçirəcəklər.

Kütləvi tədbirlərin, o cümlədən bayram şənliklərinin təşkil olunduğu, insanların gur toplaşdığı yerlərdə polis naryadlarının sayı artırılacaq. Respublika ərazisində, o cümlədən avtomobil yollarında ictimai qaydanın, hərəkətin təhlükəsizliyinin təmin olunması məqsədilə bütün qüvvə və imkanlar səfərbər ediləcək.

Əmrə əsasən, bayram ərəfəsində və bayram günlərində həyat təminatlı mühüm əhəmiyyətli obyektlərin, o cümlədən xarici ölkələrin diplomatik nümayəndəliklərinin mühafizəsi də ciddi nəzarətdə saxlanılacaq.

Xəbər lenti
0