13:42 23 Oktyabr 2017
Canlı yayım
Kredit borcu

Kredit borclarınızı ödəməyə tələsin, əks halda...

© Sputnik / Murad Orujov
XƏBƏRLƏR
Qısa URL
830720

Kreditor borcları ödəməkdən qəsdən yayınmaya görə cəzalar sərtləşdirilir

BAKI, 13 oktyabr — Sputnik. Kreditor borcları ödəməkdən qəsdən yayınmaya görə cəzalar sərtləşdirilir. Sputnik Azərbaycan Modern-ə istinadla xəbər verir ki, bununla bağlı Cinayət Məcəlləsinin 196-cı maddəsinin (Kreditor borclarını ödəməkdən qəsdən yayınma) 196.1 və 196.2-ci bəndlərinə dəyişiklik təklif edilir.

Maddə 196.1-in tələbinə görə, məhkəmənin qanuni qüvvəyə minmiş müvafiq qərarına əsasən, təşkilat rəhbərinin və ya vətəndaşın kreditor borclarını, yaxud qiymətli kağızları ödəməkdən qəsdən yayınması xeyli miqdarda ziyan vurduqda — üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə cinayət nəticəsində vurulmuş ziyanın iki mislindən dörd mislinədək miqdarda cərimə və ya bir ilədək müddətə islah işləri və iki ilədək müddətə azadlığın məhdudlaşdırılması və ya iki ilədək müddətə azadlıqdan məhrum etmə ilə cəzalandırılacaq.

Maddə 196.2-də isə qeyd edilib ki, eyni əməllər külli miqdarda ziyan vurduqda — üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə cinayət nəticəsində vurulmuş ziyanın üç mislindən beş mislinədək miqdarda cərimə və ya iki ilədək müddətə islah işləri və ya bir ildən üç ilədək müddətə azadlığın məhdudlaşdırılması və ya iki ildən beş ilədək müddətə azadlıqdan məhrum etmə ilə cəzalandırılacaq.

Qanun layihəsi oktyabrın 20-də Milli Məclisin müzakirəsinə çıxarılacaq.

Əlaqədar

Bayramov: “Şərtlərin ağırlaşdırılması kredit alanların sayına təsir göstərib”
Milli Məсlisdə kredit problemi: "Bu məsələni birdəfəlik həll etmək lazımdır"
Kredit borcu olanlara şad xəbər
Kreditlərlə bağlı ümid yaranmışdı, lakin...
Banklar problemli kreditləri silmək məcburiyyəti ilə üz-üzə
Kredit ödənişlərimiz nə yerdədir?
Teqlər:
kreditor borcları, Cinayət Məcəlləsi, islah işləri, cərimə, cəza, həbs

Əsas mövzular