"Kürdüstan"ı dəstəkləyən azərbaycanlı məmurla bağlı Baş prokurora müraciət olundu

© REUTERS / Azad Lashkariİraq Kürd Rəhbəri Məsud Bərzani Kürdlərin müstəqillik referendumunda
İraq Kürd Rəhbəri Məsud Bərzani Kürdlərin müstəqillik referendumunda - Sputnik Azərbaycan
Abunə olmaq
"Bizim məmur separatçı "referendumu" dəstəkləməklə sırf dövlətçiliyimizə zərər vurur"

BAKI, 2 oktyabr — Sputnik. Parlamentdə, Laçın Rayon İcra Hakimiyyətinin şöbə müdiri Füzuli Tanrıverdiyevin cəzalandırılması məsələsi qaldırılıb. Sputnik Azərbaycan xəbər verir ki, millət vəkili Fazil Mustafa bununla bağlı hüquq-mühafizə orqanlarının ciddi tədbir görməli olduğunu söyləyib.

© Photo : APALaçın Rayon İcra Hakimiyyətinin şöbə müdiri Füzuli Tanrıverdiyev
Laçın Rayon İcra Hakimiyyətinin şöbə müdiri Füzuli Tanrıverdiyev - Sputnik Azərbaycan
Laçın Rayon İcra Hakimiyyətinin şöbə müdiri Füzuli Tanrıverdiyev

"Məmur olduğu halda açıq deyir ki, hansısa "Kürdüstan"a görə daşıdığı Azərbaycan pasportunu, hərbi biletini cırmağa hazırdır. Hələ də tutduğu vəzifəsini icra edir və ona "qaşın üstdə gözün var" deyən yoxdur" — F. Mustafa bildirib.

Millət vəkili Vahid Əhmədov da bu məsələ ilə bağlı ciddi tədbir görülməsini istəyib: "Bizim məmur separatçı "referendumu" dəstəkləməklə sırf dövlətçiliyimizə zərər vurur. Baş prokurora müraciət edirəm ki, Azərbaycanın müstəqilliyinə, dövlətçiliyinə qarşı olan bu addımlarla bağlı vaxtında tədbir görsün".

Xəbər lenti
0