BAKI, 30 may — Sputnik. Rusiyanın Xarici İşlər naziri Sergey Lavrov, Fransa prezidenti Emmanuel Makronun Sputnik xəbər agentliyi və "Russia Today (RT)" telekanalı haqda işlətdiyi ifadələrin həqiqəti yansıtmadığını deyib.
"Cənab Makron deyir ki, RT və Sputnik böhtan atmaqla məşğuldur. Rusiya dövlətinin propaqandasını edir. Bu olduqca yanlış düşüncədir. Bu cür bəyanatlar ABŞ-ın əvvəlki prezidenti Barak Obamanın zamanında başlayıb" — Lavrov qeyd edib.
Xatırladaq ki, Emmanuel Makron Fransadakı prezident seçkiləri kampaniyası dövründə Sputnik və RT-nin partiya qərargahına girməsinə qadağa qoymuşdu.
