21:56 23 İyul 2021
Canlı yayım
  • USD1.7000
  • EUR2.0009
  • RUB0.0231
XƏBƏRLƏR
Qısa URL
16403

Tərəflər arasında baş verən silahlı toqquşmada 2 sərhədçi həlak olub, daha 2 sərhədçi isə yaralanıb

BAKI, 28 may — Sputnik. İranın Türkiyə ilə sərhəd bölgəsində yerləşən Qərbi Azərbaycan vilayətində sərhədçilərlə "Pejak" terror təşkilatının üzvləri arasında atışma olub.

İranın Qərbi Azərbaycan vilayətinin sərhəd qoşunları komandanı general İzzətullah Rəşidian mətbuata verdiyi açıqlamasında bildirib ki, Urmiyə sərhəd qoşunlarının patrul dəstəsi sərhəd zolağında patrul xidməti zamanı "Pejak" terror qruplaşmasının üzvləri ilə qarşılaşıb.

Sputnik Azərbaycan AZƏRTAC-a istinadla xəbər verir ki, tərəflər arasında baş verən silahlı toqquşmada 2 sərhədçi həlak olub, daha 2 sərhədçi isə yaralanıb.

Atışma zamanı bir neçə terrorçunun yaralandığını və hazırda onların təqib olunduğunu deyən general İ.Rəşidian hadisə ilə bağlı araşdırma aparıldığını qeyd edib.

Həlak olan sərhədçilər Məhəmmədrza Firuzi ve Cavad Fərahi bu gün Urmiya şəhərində dəfn ediliblər. Sərhədçiləri son mənzilə yola salmaq üçün şəhərin mərkəzinə toplaşan sakinlər terroru lənətləyiblər.

Qeyd edək ki, "Pejak" PKK terror təşkilatının İrandakı qoludur. Bu təşkilatın silahlıları İraq, Türkiyə və İranın sərhədindəki Qəndil dağında gizlənirlər.

Əlaqədar

Sərhəddə narkotik əməliyyatı: saxlanılan var
Türkiyə bu ölkələrlə sərhəddə beton divar çəkdi
Sərhəddə külli miqdarda narkotik ələ keçirildi
Teqlər:
sərhədçilər, Pejak, Urmiyə, Qərbi Azərbaycan, PKK, terror, sərhəddə toqquşma, İran, Türkiyə

Əsas mövzular