BAKI, 17 apr — Sputnik. Bu gün səhər saat 10-da dünən axşam saatları ilə müqayisədə bəzi banklar dolların alış və satış qiymətini ucuzlaşdırdığı müşahidə olunur. Sputnik Azərbaycan fins.az-a istinadən xəbər verir ki, hazırda ABŞ valyutasının ən sərfəli alış qiyməti 1.6800 manata, satışı isə 1.6850 manata bərabərdir.
Belə ki, dünən axmam saatları ilə müqayisədə dolları ucuzlaşdıran banklar arasında "Amrahbank", "Bank Respublika", "Yapı Kredi Bank Azərbaycan", "AG Bank" və s. var. "Amrahbank" dolların alışının 1.6700 manatdan 1.6600 manata, satışını 1.6950 manatdan 1.6850 manatadək ucuzlaşdırıb.
"Bank Respublika" dolların satış qiymətini 1.7100 manatdan 1.7050 manatadək ucuzlaşdırıb. "Yapı Kredi Bank Azərbaycan" dolların alış qiymətini ucuzlşdırıb: 1.6850 manatdan 1.6750 manatadək. "AG Bank" dolların satış qiymətini 1.7200 manatdan 1.7150 manatadək ucuzlaşdırıb.
Buna baxmayaraq, məzənnəni bahalaşdıran banklar da var: "Bank Avrasiya" dünən axşam dolları 1.7000 manata satırdısa, bu səhər artıq 1.7100 manata satır. "Bank Silk Vey" isə dolların alışını 2.5 qəpik bahalaşdırıb: 1.6550 manatdan 1.6800 manatadək.
