CƏMİYYƏT
Cəmiyyətin həyatında baş verən aktual hadisələr

Yapon qadınların qeyri-adi sirri

© s19.postimg.orgYaponlar
Yaponlar - Sputnik Azərbaycan
Abunə olmaq
Çox sadə qaydalara əməl etməklə dərinizi cavan və təravətli saxlaya bilərsiniz

BAKI, 15 apr — Sputnik. İnsan yaşa dolduqca dəri daha quru və nazik olur, üzərində qırışlar, ləkələr əmələ gəlir, dərinin rəngi pisləşir və s. Bütün bunlar təbii proseslərdir və orqanizmin ümumi qocalması ilə bağlıdır.

Bu prosesləri dayandırmaq mümkün olmasa da, xeyli ləngitmək olar. Bunun üçün heç də plastik cərrahlara müraciət etmək lazım deyil. Çox sadə qaydalara əməl etməklə dərinizi cavan və təravətli saxlaya bilərsiniz.
Sputnik Azərbaycan "Saglamolun"-a istinadən həmin qaydaları təqdim edir:

1. Cavan yaşlardan mimikanıza ciddi fikir verin.

Əgər qadın daim alnını, burnunun qırışdırır, dodaqlarını sıxır, həddindən artıq gülümsəyirsə, bu, qırışların daha tez əmələ gəlməsinə səbəb olacaq. Yapon qadınları qoca yaşlarına kimi üz dərisini cavan və qırışsız saxlayır. Bunun əsas səbəblərindən biri onların mimikadan az istifadə etməsidir.

2. Mümkün qədər az hallarda krem-pudra və yağlı tonal kremlərdən istifadə edin.

Bu vasitələr dərinin məsamələrini qapayır ki, nəticədə dərinin nəfəsalması pozulur. Bu isə üz dərisinin qocalmasını sürətləndirir.

3. Sağlam qidalanın.

Qidalanmanızda daim təzə meyvə-tərəvəz, göyərtilər, süd məhsulları, yarmalar olmalıdır. Zülallar da çox vacibdir. Qidalanmada zülalların (ət, toyuq, balıq, yumurta) az olması dərini tez qocaldır.

Qadının qidalanmasında kifayət qədər yağlar (zeytun yağı, kərə yağı) olmalıdır. Quru dəri daha tez qocalır. Yağlar isə dərini quruluqdan xilas edir. Bundan əlavə, yağlar yağlı turşularla zəngindir. Yağlı turşular dərinin daha tez bərpasına kömək edir.
Hazırda qadınların əksəriyyəti arıqlamaq üçün müxtəlif pəhrizlərdən istifadə edir. Lakin qadınlar bunu da bilməlidir ki, tez bir zamanda arıqlama üz dərisinin vəziyyətinə olduqca mənfi təsir edir.

4. Kifayət qədər su için.

Hər gün 8-10 stəkan təmiz su içmək lazımdır. Susuzlaşma dərinin ən böyük düşmənidir.

5. Hərəkətli olun.

Fiziki aktivlik orqanizmdə qan dövranı yaxşılaşdırır. Bu isə bütün orqanizmin, o cümlədən üz dərisinin cavan və sağlam qalması üçün əsas şərtlərdən biridir.

6. Kifayət qədər yatın və dincəlin.

Yuxu vaxtı orqanizm bərpa olunur. Yuxusuzluq orqanizmdə qocalma proseslərini sürətləndirir.

7. Dərinizə daim qulluq edin.

Dərini mütləq daim təmizləmək, qidalandırmaq və mənfi təsirlərdən (isti hava, külək) qorumaq lazımdır.
Xüsusi kosmetik massaj, qidalandırıcı və nəmləndirici maskalar və kremlər üz dərisini cavan saxlamağa kömək edir.

Xəbər lenti
0