BAKI, 10 apr — Sputnik. Azərbaycan Respublikasının Prezidenti İlham Əliyevin 2009-cu il 16 dekabr tarixli Sərəncamı ilə 10 aprel əlamətdar tarixə çevrilib. Həmin gündən indiyədək aprelin 10-u ölkədə "İnşaatçılar günü" peşə bayramı kimi qeyd olunur.
Qeyd edək ki, Azərbaycan inşaatı və memarlığı zəngin olduğu qədər də qədim tarixə malikdir. Ölkədə tikinti işlərinin geniş vüsət alması XIX əsrin sonlarına — XX əsrin əvvəllərinə təsadüf edir. Həmin dövrdən bu günümüzədək gəlib çıxmış qiymətli memarlıq abidələri kimi qorunan onlarla yaşayış binası özündə Şərq və Qərb memarlığının nadir nümunələrini birləşdirir.
