04:36 17 Fevral 2020
Canlı yayım
  • USD1.7000
  • RUB0.0274
  • EUR1.9035
XƏBƏRLƏR
Qısa URL
17 0 0

Rüstəm Usubovun başçılıq etdiyi nümayəndə heyəti Rusiya prokurorluğunun 295 illiyinə həsr olunmuş rəsmi tədbirlərdə iştirak edib

BAKI, 16 yan — Sputnik. Yanvarın 11-dən 13-dək Rusiya Federasiyası Baş Prokurorunun dəvəti ilə, Rusiya Prokurorluğunun 295 illiyinə həsr olunmuş tədbirlərdə iştirak etmək üçün, Azərbaycan Baş prokurorunun birinci müavini Rüstəm Usubovun rəhbərlik etdiyi nümayəndə heyəti Moskva şəhərinə səfər edib. Bu barədə Sputnik-ə Baş Prokurorluğun mətbuat xidmətindən məlumat verilib.

Səfər çərçivəsində nümayəndə heyəti Rusiya Federasiyasının Baş prokuroru Yuri Çayka ilə görüşərək azərbaycanlı həmkarının yubiley münasibəti ilə təbriklərini çatdırıb. Görüşdə iki ölkə arasında formalaşmış zəngin tarixə malik və ilbəil daha da genişlənməklə dərinləşən münasibətlər diqqətə çatdırılmaqla, hüquqi sahədə əməkdaşlığın perspektivləri müzakirə edilib.

Azərbaycan nümayəndə heyəti Dövlət Kreml Sarayında keçirilmiş təntənəli yubiley mərasimində iştirak edib. Tədbirdə Rusiya Federasiyası Hökumətinin sədri Dmitri Medvedev çıxış edərək Rusiya Prokurorluğunun əməkdaşlarını peşə bayramı münasibətilə təbrik edib.

Nümayəndə heyətimiz mərasimdə iştirak edən Çin, İsrail, İtaliya, Belarus, Qazaxıstan, Qırğızıstan, Moldova, Özbəkistan və digər ölkələrin nümayəndə heyətləri, həmçinin Beynəlxalq Prokurorlar Assosiasiyasının rəhbər vəzifəli şəxsləri, MDB iştirakçı dövlətləri Baş Prokurorlarının Əlaqələndirmə Şurasının icraçı katibi ilə işgüzar görüşlər keçirib, ikitərəfli əlaqələrin inkişaf etdirilməsi məsələləri ətrafında fikir mübadiləsi aparılıb. Səfər çərçivəsində nümayəndə heyətimizi ölkəmizin Rusiyadakı səfiri Polad Bülbüloğlu müşayiət edib.

Əlaqədar

Qanunsuz valyuta mübadiləsi barədə məlumatlar prokurorluğa ötürülüb
Baş prokuror: Əli İnsanov təqsirli bilinməsəydi, cinayət iş açıla bilməzdi
Baş Prokurorluğun şöbə rəisi "Gülən işi" ilə bağlı Türkiyədə olub
Sumqayıt Baytarlıq İdarəsi ilə bağlı materiallar prokurorluğa göndərilib
Baş Prokurorluqdan "MTN işi" ilə bağlı mühüm açıqlama
Prokuror: "Əli İnsanov hakimiyyət nümayəndəsinə xəsarətlər yetirib"
Teqlər:
Rusiya Prokurorluq, Baş prokuror, yubiley, Moskva, Rusiya, səfər

Əsas mövzular