BAKI, 10 avq-Sputnik. Doğum evində baş verən yanğın nəticəsində dünyaya yenicə göz açan 11 körpə yanaraq həyatını itirib.
Hadisə İraqın Bağdad şəhərində yerləşən doğum evlərindən birində baş verib.
Məlumatı "Al-Arabiya" telekanalı İraqın Səhiyyə Nazirliyinə istinadən yayıb.
Hadisədə zərərçəkənlərin tam sayı məlum olmasa da, azı 11 körpənin öldüyü bildirilir.
Yanğının baş vermə səbəbləri araşdırılır.
