CƏMİYYƏT
Cəmiyyətin həyatında baş verən aktual hadisələr

Dövlət Yol Polisindən xəbərdarlıq

© Sputnik / Murad OrujovYPX əməkdaşı
YPX əməkdaşı - Sputnik Azərbaycan
Abunə olmaq
DYP: "Günün isti vaxtlarında soyuducu sistemlərlə təchiz olunmamış və istismar müddəti çox olan avtomobillərlə mümkün qədər uzaq məsafəli səfərlərə çıxmayın"

BAKI, 19 iyul-Sputnik. Daxili İşlər Nazirliyi Baş Dövlət Yol Polisi İdarəsi ölkə ərazisində havaların isti keçməsi ilə əlaqədar sürücülərə müraciət edib.

Sputnik-ə daxil olan müraciətdə qeyd olunub ki, son günlər respublikanın avtomobil yollarında günorta saatlarında qeydə alınmış yol-nəqliyyat hadisələrinin təhlilinə əsasən qəzaların sürücülərin məhz sükan arxasında yuxuya getmələri səbəbindən baş verməsi müəyyən edilib.

Bu faktı, həmçinin sabahdan ölkə ərazisində havaların isti keçəcəyi, hətta bəzi yerlərdə temperaturun 42 dərəcəyə yüksələcəyi barədə Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumatı nəzərə alaraq, Daxili İşlər Nazirliyinin Baş Dövlət Yol Polisi İdarəsi sürücülərdən və nəqliyyat vasitələri sahiblərindən xahiş edir ki, günün isti vaxtlarında soyuducu sistemlərlə təchiz olunmamış və istismar müddəti çox olan avtomobillərlə mümkün qədər uzaq məsafəli səfərlərə çıxmasınlar.

Təxirəsalınmaz hallarda kondisionerli marşrut avtobuslarından istifadəyə üstünlük versinlər, iqlim şəraitinə uyğun olmayan fərdi minik avtomobillərindən isə yalnız günün nisbətən sərin vaxtlarında istifadə etsinlər.

Xəbər lenti
0