14:30 25 Noyabr 2020
Canlı yayım
  • USD1.7000
  • RUB0.0274
  • EUR1.9035
XƏBƏRLƏR
Qısa URL
53 0 0

Festivalda fəal iştirakı ilə fərqlənən 10 uşaq seçilərək, diplomlar və xüsusi hədiyyələr ilə təltif olunacaq. Festivalda iştirak edən digər uşaqlara sertifikatlar təqdim ediləcək.

BAKI, 21 iyun — Sputnik. İyunun 26-27-də Uşaqlar üçün Cizgi Filmləri və Kitab Festivalı təşkil edəcək. Tədbir "Gəncliyin Şöləsi" Gənclərin İnkişafı İctimai Birliyi tərəfindən, Mədəniyyət və Turizm Nazirliyinin maliyyə dəstəyi və "ABŞ-da Təhsil Almış Məzunlar" ictimai birliyinin və "Level Up School of Professional Studies and Business" Təhsil Şirkətinin təşkilati dəstəyi ilə reallaşacaq.

Layihənin məqsədi — Uşaqlar və onların valideyinləri arasında milli çizgi qəhramanlarını və oxu mədəniyyətini təbliğ etməklə onların intellektual, sosial və mədəni inkişafına dəstək olmaq, eyni zamanda, bu layihə vasitəsi ilə uşaqlar və valideynlər arasında korporativ sosial məsuliyyət daşıyan biznes qurumları haqqında məlumatlılıq səviyyəsini artırmaqdır. Festivalda 6-16 yaş həddində olan 100-dən artıq azərbaycanlı uşaqlar və onların valideynləri iştirak edəcək. Qeyd olunan layihəni həyata keçirməklə Azərbaycanda ilk dəfə olaraq milli cizgi filmi və kitab festivalı təşkil olunacaq.

Festival iyun ayının 26-da "ABŞ-da Təhsil Almış Məzunlar" ictimai birliyinin Caspian Biznes Mərkəzində (ünvan: Cəfər Cabbarlı küçəsi, 40, 2-ci mərtəbə) yerləşən konfrans zalında təşkil olunacaq. Festivalın rəsmi açılışına Azərbaycanın tanınmış xadimləri, KİV nümayəndələri, biznes qurumlarının təmsilçiləri və mədəniyyət xadimləri dəvət olunacaq.

Festivalın əyləncəli hissəsi zamanı isə uşaqlar üçün cizgi filmlərinin nümayişi, kitab yarmarkasının, əyləncəli musiqili yarışların, müxtəlif rəqs proqramlarının, klounların əyləncəli proqramının və s. təşkil olunması planlaşdırılır. Bununla yanaşı, festivalda fəal iştirakı ilə fərqlənən 10 nəfər uşaq seçilərək diplomlar və xüsusi hədiyyələr ilə təltif olunacaq. Festivalda iştirak edən digər uşaqlara sertifikatlar təqdim ediləcək.

Festivalda iştirak etmək istəyən iştirakçılar aşağıda qeyd olunan əlaqəli şəxslə əlaqə saxlaya bilərlər:

Elvin Vəliyev
Mobil: +99477 517 70 11
E-mail: youthbeam@yahoo.com

Əlaqədar

5 yaşlı uşaq faciəvi şəkildə öldü
Rusiya yasda: 13 azyaşlı uşaq göldə batdı
"Maşını yavaş sürsəm uşaqlarım evdə ac qalacaq"
Ölkədə sosial müavinət və yardımla təmin olunanların 46%-i uşaqlardır
Uşaqlarınızı Bakının bu ərazisindən uzaq tutmağınız məsləhətdir
Teqlər:
"Level Up School of Professional Studies and Business" Təhsil Şirkəti, "ABŞ-da Təhsil Almış Məzunlar" ictimai birliyi, "Gəncliyin Şöləsi" Gənclərin İnkişafı İctimai Birliyi, əyləncə, Cizgi Filmləri və Kitab Festivalı, festival, Mədəniyyət və Turizm Nazirliyi, uşaq

Əsas mövzular