23:08 25 Oktyabr 2020
Canlı yayım
  • USD1.7000
  • RUB0.0274
  • EUR1.9035
XƏBƏRLƏR
Qısa URL
3401

Layihənin məqsədi qloballaşmanın gətirdiyi sosial-iqtisadi gərginlik, həmçinin Qərbin insan hüquqları institutlarının ölkəmizə qərəzli mövqeyi fonunda yerli QHT-lərin vəzifələrini müəyyənləşdirməkdir.

BAKI, 16 iyun-Sputnik. Beynəlxalq Münasibətlərin Araşdırılması Mərkəzi (BMAM) iyunun 22-də Beynəlxalq Mətbuat Mərkəzində "Azərbaycanda genişmiqyaslı islahatların vətəndaş cəmiyyətinin inkişafındakı rolu" mövzusunda konfrans keçirəcək.

BMAM-dan Sputnik-ə daxil olan məlumata görə, konfransda son zamanlar ölkədə həyata keçirilən islahatlara vətəndaş cəmiyyəti tərəfindən zəruri dəstəyin təmin olunmasının formaları müzakirə ediləcək. Layihənin məqsədi qloballaşmanın gətirdiyi sosial-iqtisadi gərginlik, həmçinin Qərbin insan hüquqları institutlarının ölkəmizə qərəzli mövqeyi fonunda yerli QHT-lərin vəzifələrini müəyyənləşdirməkdir. Həmçinin Azərbaycan dövlətinin həyata keçirdiyi islahatlara vətəndaş cəmiyyətinin dəstəyini gücləndirmək, milli maraqların təminatında ictimaiyyətin rolunu artırmaq, dövlət-cəmiyyət münasibətlərinin inkişafına çalışmaq, islahatları təbliğ etmək layihənin əsas məqsədlərindəndir.

Konfrans Azərbaycan Respublikasının Prezidenti Yanında QHT-lərə Dövlət Dəstəyi Şurası ilə birgə "Yeni Hədəflərə Doğru" Vətəndaş Həmrəyliyinin gücəndirilməsi layihəsi çərçivəsində baş tutacaq. Konfransda QHT və media rəhbərlərinin, millət vəkillərinin, dövlət qurumlarınının və KİV nümayəndələrinin iştirakı nəzərdə tutulur.

Üç ay davam edəcək layihə çərçivəsində QHT, KİV təmsilçiləri, gənclər, ümumiyyətlə, ictimaiyyət nümayəndələrilə müxtəlif səpkili görüşlər keçiriləcək. Bakı, Gəncə və Quba şəhərlərində konfrans və tədbirlər təşkil olunacaq. Konfranslarda sosial, iqtisadi və siyasi islahatların əhəmiyyəti, islahatların vətəndaş cəmiyyətinin inkişafındakı rolu, cəmiyyətin islahatların icrasına münasibəti müzakirə olunacaq. Həmçinin Prezident Administrasiyası və Milli Məclisdə görüşlər keçiriləcək.

Layihə ilə bağlı internet aksiyalar təşkil olunacaq. Facebook sosial şəbəkəsində "İnkişaf Qrupu", eləcə də, "Ağ Yol" qrupunda, təşkilatın eyniadlı səhifəsində sosial, iqtisadi, siyasi və s, islahatların əhəmiyyətini özündə əks etdirən məlumatlar paylaşılacaq. Ayda iki dəfə olmaqla ictimai müzakirələr təşkil ediləcək. İctimai müzakirələrin aktivliyinin təmin edilməsi üçün geniş təbliğat və reklam kampaniyası təşkil ediləcək.

Əlaqədar

Azərbaycanda vətəndaş cəmiyyətinin köhnə dərdi
Ölkədə maaş almayan vətəndaş qalmayacaq
Vətəndaş cəmiyyəti böhrandan çıxış yolları axtarır
Vətəndaş məmurun fəaliyyətinə necə nəzarət edə bilər?
Vətəndaş-məmur münasibətlərinin mövcud vəziyyəti müzakirə olunub
Teqlər:
Yeni Hədəflərə Doğru, dəyirmi masa, QHT-lərə Dövlət Dəstəyi Şurası, Prezident Administrasiyası, QHT, KİV, Azərbaycan Respublikasının Prezidenti yanında QHT-lərə Dövlət Dəstəyi Şurası, Milli Məclis, "Azərbaycanda genişmiqyaslı islahatların vətəndaş cəmiyyətinin inkişafındakı rolu", Beynəlxalq Münasibətlərin Araşdırılması Mərkəzi

Əsas mövzular