22:52 20 İyul 2019
Canlı yayım
  • USD1.7000
  • RUB0.0271
  • EUR1.9142
Torpaq sürüşməsi

Azərbaycan sürüşür

© pixanews.com
XƏBƏRLƏR
Qısa URL
9201

Ölkə ərazisində qeydə alınan yağıntılar nəticəsində Azərbaycanın bir çox bölgələrində sürüşmələr qeydə alınıb.

BAKI, 16 iyun-Sputnik. Son zamanlar ölkə ərazisində qeydə alınan yağıntılar nəticəsində Azərbaycanın bir çox bölgələrində sürüşmələr qeydə alınıb.

Ekologiya və Təbii Sərvətlər Nazirliyinin (ETSN)Milli Geoloji Kəşfiyyat Xidmətinin Geoloji planlama ekspedisiyası baş geoloqu Ələmdar Piriyev deyib ki, Azərbaycanda atmosfer çöküntüləri intensivləşdiyindən qədim sürüşmə sahələrində müəyyən qədər aktivləşmə və sürüşmə baş verib.

Sputnik APA-ya istinadla xəbər verir ki, geoloq Bakı-Şamaxı yolunun 106-107-ci km-də olan qədim sürüşmə sahəsində sürüşmə kütləsinin müəyyən qədər genişləndiyini və böyüdüyünü bildirib. Sürüşmə sahəsinin qövsvari formada cənuba tərəfə genişləndiyini deyən Ə.Piriyev qeyd edib ki, axan torpaq kütləsi müəyyən qədər yola da tökülüb, amma yolun bağlanmasına səbəb olmayıb. Onun sözlərinə görə, həmin torpaq qatı götürüləndən sonra gediş-gəliş bərpa olunub:

"Bakı-Ağsu yolunun 135-156-cı km-də də qədim sürüşmə sahəsindəki çatlarda müəyyən qədər sürüşmə baş verib. Sürüşmə nəticəsində yollara qismən uçqun-töküntü hadisəsi də olub. Bu aradan qaldırılandan sonra gediş-gəliş bərpa olunub. Yağıntılar nəticəsində İsmayıllı rayonunun Sulut kəndi ərazisində, Basqal-Sulut avtomobil yolunun 10-cu kilometrliyində də sürüşmə baş verib. Sürüşmə sahəsində Sulut-Kələzeyvə-Sərsurə kəndləri arasında olan avtomobil yolları tamamilə sıradan çıxıb. Sürüşmə Sərsurə kəndi ərazisinə də çatıb və orada 7 ev qəzalı vəziyyətə düşüb. Həmin ərazidən əhali köçürülüb".

Baş geoloq əlavə edib ki, Bakıdakı Zığ sürüşmə sahəsində müəyyən qədər sürüşmə kütləsinin üzərində olan çatlarda genişlənmə olub. Onun sözlərinə görə, sürüşmənin dinamikasında aktivləşmə qeydə alınıb: "Bu ay ərzində Muğanlı-İsmayıllı, Quba yolunda da aktivləşmə müşahidə olunub. İsmayıllı rayonun Xan kəndində sürüşmə dinamikasında aktivləşmə qeydə alınıb. Quba-Xınalıq yolunun 37-46, 37-47-ci km-də uçqun-töküntü hadisələri baş verib. Lerik, Masallı rayonunda bəzi yerlər cüzi aktivləşmə qeydə alınsa da bunlar nəzərəçarpacaq dərəcədə deyil".

Əlaqədar

Bakı-Şamaxı yolunda təhlükəli sürüşmə
Bakı-Şamaxı-Yevlax magistralında sürüşmə yenidən aktivləşib
Azərbaycanda yeni sürüşmə sahələri açıqlandı
Qar əridikcə sürüşmə sahələri aktivləşəcək
Azərbaycanda bəzi sürüşmə sahələri aktivləşib
Teqlər:
Bakı-Şamaxı yolu, Bakı-Ağsu yolu, geoloq, Lerik, Masallı, Xınalıq, Quba, Bakı, Ekologiya və Təbii Sərvətlər Nazirliyinin (ETSN)Milli Geoloji Kəşfiyyat Xidməti, Ekologiya və Təbii Sərvətlər Nazirliyi, Torpaq sürüşməsi, Ekologiya və Təbii Sərvətlər Nazirliyinin (ETSN)Milli Geoloji Kəşfiyyat Xidmətinin Geoloji planlama ekspedisiyası, Ələmdar Piriyev, Azərbaycan

Əsas mövzular