BAKI, 20 apr – Sputnik. Avropa Şurası Komissiyası gələn ayadək Türkiyəyə vizasız rejim təklif edə bilər. Bunun üçün göstərilən vaxta qədər rəsmi Ankara bütün şərtləri yerinə yetirməlidir.
Sputnik xəbər verir ki, komissiyanın bu gün Brüsseldə açıqlanmış bəyanatında qeyd olunub.
"Avropa Şurası Komissiyası Türkiyə üçün viza rejiminin sadələşdirilməsi üzrə üçüncü hesabatını mayın 4-də təqdim edəcək. Türkiyə qalan şərtləri də yerinə yetirməklə bağlı üzərinə götürdüyü öhdəlikləri həll edə bilsə, hesabat Türkiyəyə vizasız rejim tətbiqi haqqında qanunun təklifi ilə müşayiət olunacaq", — deyə bəyanatda bildirilib.
