CƏMİYYƏT
Cəmiyyətin həyatında baş verən aktual hadisələr

"Neft Daşları"nda tufan, üç neftçi itkin düşüb

© Sputnik / Селимханов / Mediabanka keçidНефтепромысел "Нефтяные камни"
Нефтепромысел Нефтяные камни - Sputnik Azərbaycan
Abunə olmaq
Güclü tufan nəticəsində dalğalar estakada döşəməsini üstündəki yaşayış budkası ilə birlikdə uçurub dənizə atıb.

BAKI, 4 dek-Sputnik. Bu gün saat 12:30 radələrində "Neft Daşları" NQÇİ-nin 501 nömrəli özülündə qəza baş verib.

Sputnik SOCAR-ın verdiyi məlumata istinadən xəbər verir ki, güclü tufan nəticəsində dalğalar estakada döşəməsini üstündəki yaşayış budkası ilə birlikdə uçurub dənizə atıb. Hadisə baş verərkən buxar aqreqatının maşinisti 1971-ci il təvəllüdlü Cavad Xudaverdiyev, səyyar aqreqatın matorçuları — 1961-ci il təvəllüdlü Bəhmən Cəfərov və 1974-cü il təvəllüdlü Rövşən Məmmədov budkada olublar.

Dənizdə operativ axtarış işlərinə başlanılıb. Güclü küləyin yaratdığı maneəyə baxmayaraq, hazırda itkin düşən neftçilərin axtarışı Fövqəladə Hallar Nazirliyinin vertolyotu, həmçinin Xəzər Dəniz Gəmiçiliyinin "Vixr-9" yanğınsöndürən gəmisi, "Avyor" dalğıc gəmisi və "Samir Quliyev" yedək gəmisi ilə davam etdirilir.

Hadisənin təfərrüatları özülə göndərilmiş komissiya tərəfindən araşdırılır. Araşdırmanın nəticələri barədə əlavə məlumat veriləcək.

Xəbər lenti
0