SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

İlham Əliyev "Böyük İyirmilik" liderləri qarşısında çıxış edib

© SputnikG20 Antalya
G20 Antalya - Sputnik Azərbaycan
Abunə olmaq
Azərbaycan prezidenti İlham Əliyev liderlərlə birgə xatirə fotosu çəkilən zaman ABŞ prezidenti Barak Obama və Rusiyalı həmkarı Vladimir Putinlə salamlaşıb.

BAKI, 15 noy-Sputnik. Noyabrın 15-də Azərbaycan Respublikasının Prezidenti İlham Əliyev Türkiyənin Antalya şəhərində "Böyük İyirmilik" ölkələri liderlərinin Sammiti çərçivəsində iqtisadi inkişaf, sərmayələr, məşğulluq mövzularında keçirilən müzakirələrdə çıxış edib.

Dövlət başçısı Türkiyə Respublikasının Prezidenti Rəcəb Tayyib Ərdoğanın şəxsi dəvəti ilə Azərbaycanın ilk dəfə olaraq belə mötəbər beynəlxalq tədbirdə iştirak etdiyini vurğulayaraq bu dəvətə görə Türkiyə dövlətinin başçısına minnətdarlığını bildirib.

Azərbaycan Prezidenti son vaxtlar Türkiyədə və Fransada baş vermiş terror aktları ilə əlaqədar bu ölkələrin xalqlarına başsağlığı verib və deyib ki, Azərbaycan Türkiyənin və Fransanın yanındadır.

Sonra Prezident İlham Əliyev çıxışında son illər Azərbaycanın iqtisadi inkişaf yolunda əldə etdiyi mühüm nailiyyətləri diqqətə çatdırıb, ölkəmizdə yaradılmış əlverişli sərmayə mühiti, işsizliyin aradan qaldırılması, yoxsulluğun kəskin şəkildə azaldılması istiqamətində görülən işlərdən danışıb.
Azərbaycan prezidenti İlham Əliyev liderlərlə birgə xatirə fotosu çəkilən zaman ABŞ prezidenti Barak Obama və Rusiyalı həmkarı Vladimir Putinlə salamlaşıb.

© AzvisionAzərbaycan prezidenti İlham Əliyev və ABŞ prezidenti Barak Obama
Azərbaycan prezidenti İlham Əliyev və ABŞ prezidenti Barak Obama - Sputnik Azərbaycan
Azərbaycan prezidenti İlham Əliyev və ABŞ prezidenti Barak Obama

Sammit öz işini davam etdirir.

Noyabrın 15-də axşam Türkiyə Respublikasının Baş naziri Əhməd Davudoğlunun adından "Böyük İyirmiliyin" Sammitində iştirak edən dövlət və hökumət başçılarının, beynəlxalq təşkilatların rəhbərlərinin və onların xanımlarının şərəfinə qəbul veriləcək.
Sonra isə Prezident Rəcəb Tayyib Ərdoğanın adından işçi şam yeməyi olacaq.

© Sputnikİlham Əliyev, Rəcəb Tayyib Ərdoğan, Barak Obama, G20-nin Antalya sammitində görüşərkən
İlham Əliyev, Rəcəb Tayyib Ərdoğan, Barak Obama, G20-nin Antalya sammitində görüşərkən - Sputnik Azərbaycan
İlham Əliyev, Rəcəb Tayyib Ərdoğan, Barak Obama, G20-nin Antalya sammitində görüşərkən

Xəbər lenti
0