19:26 26 İyun 2017
Canlı yayım
Hacı İbrahim

Hacı İbrahim Nehrəmli: Kreditimi bağlayıb, sərbəst buraxılmışam

publika.az
XƏBƏRLƏR
Qısa URL
2101

Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılan “Avesta” konserninin prezidenti Hacı İbrahim İbrahimov dünən sərbəst buraxılıb.

BAKI, 28 may — Sputnik. Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılan “Avesta” konserninin prezidenti, iş adamı Hacı İbrahim İbrahimov (Nehrəmli) dünən sərbəst buraxılıb.

Bu barədə iş adamı özü “APA-Economics”ə bildirib.

“Bildiyiniz kimi, mənim Azərbaycan Beynəlxalq Bankından götürdüyüm kreditin vaxtı 2019-cu ildə başa çatır. Vaxtı keçmiş kreditimi bağladım, qalan hissəsini isə qrafikə uyğun ödəyəcəm”, — deyə o qeyd edib.

Konsernin prezidenti qeyd edib ki, onun ölkədən qaçarkən saxlanılması ilə bağlı mətbuatda yayılan xəbərlər həqiqəti əks etdirmir. Bir müddət öncə ölkəni tərk etməsinə qoyulan qadağanın aradan götürülüb-götürülməməsi ilə bağlı suala isə iş adamı bu cür cavab verib: “Hər şey normaldır, qaydasındadır”.

O qeyd edib ki, “Avesta” konserninin ləğv olunması və ya satılması ilə bağlı yayılan xəbərlər də yalandır.

Əlaqədar

Hacı İbrahim 45 milyona "Avesta"nı satır
Nehrəmli oliqarx milyonluq avtomobilini satışa qoydu

Əsas mövzular