CƏMİYYƏT
Cəmiyyətin həyatında baş verən aktual hadisələr

Lerikdə qadını qətlə yetirən şəxs QMİ-nin təyin etdiyi molla olmayıb

CC BY-SA 2.0 / Erik Gregg / KnifeНож в руке, фото из архива
Нож в руке, фото из архива - Sputnik Azərbaycan, 1920, 03.05.2021
Abunə olmaq
Kəndin mollası M.Əsgərov Z.Fərziyevanın evdə tək olduğunu bilərək mənzilə daxil olub. Daha sonra o, qadına qarşı əxlaqsız hərəkətlər etməyə başlayıb.

BAKI, 3 may — Sputnik. Lerikdə üç uşaq anasını amansızcasına qətlə yetirən Murad Əsgərov Qafqaz Müsəlmanları İdarəsinin (QMİ) təyin etdiyi din xadimi deyil.

Sputnik Azərbaycan xəbər verir ki, bunu "Report"a açıqlamasında QMİ-nin cənub bölgəsi üzrə nümayəndəsi Hacı Qəni Axundzadə deyib.

O qeyd edib ki, həmin şəxsin din xadimi olması ilə bağlı heç bir rəsmiləşmə aparılmayıb:

"Hər mollalıq edən şəxs din xadimi sayılmır".

Qeyd edək ki, kəndin mollası M.Əsgərov Z.Fərziyevanın evdə tək olduğunu bilərək mənzilə daxil olub. Daha sonra o, qadına qarşı əxlaqsız hərəkətlər etməyə başlayıb. Bu zaman Z.Fərziyeva qışqıraraq qonşuları çağırmağa başlayıb. M.Əsgərov da cibində gəzdirdiyi bıçaqla qadının boğazını kəsərək, onu qətlə yetirib.

M.Əsgərov hüquq-mühafizə orqanları tərəfindən saxlanılıb və barəsində həbs qətimkan tədbiri seçilib.

Faktla bağlı Lerik Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Xatırladaq ki, qadın 3 uşaq anası olub.

Xəbər lenti
0