CƏMİYYƏT
Cəmiyyətin həyatında baş verən aktual hadisələr

Yeddi ay komada qalan şəhidimiz bu gün dəfn olunub - FOTO

© Sputnik / Leyla AbdullayevaSəbuhi Hüseynlinin dəfni
Səbuhi Hüseynlinin dəfni - Sputnik Azərbaycan, 1920, 16.04.2021
Abunə olmaq
Səbuhi Hüseynli oktyabrın 26-da Xocavənddə aldığı qəlpə yarasından baş beyninin zədələnməsi səbəbindən Silahlı Qüvvələrin Baş Kliniki Hospitalında və Neyrocərrahiyyə Xəstəxanasında müalicə olunurdu.

Leyla Abdullayeva, Sputnik Azərbaycan

BAKI, 16 aprel — Sputnik. Dünən Azərbaycan Ordusunun müddətdən artıq hərbi qulluqçusu, 24 yaşlı şəhid  Səbuhi Babək oğlu Hüseynli 7 ay komada qalıb və dünən şəhadətə yüksəlib. Sputnik Azərbaycan-ın verdiyi məlumata görə, bu gün şəhidimiz Xaçmazın Maqsudkənd kəndində torpağa tapşırılıb. S.Hüseynli Vətən müharibəsində gedən döyüşlərdə kəşfiyyat qrupunun üzvü kimi iştirak edib. O, oktyabrın 26-da Xocavənddə aldığı qəlpə yarasından baş beyninin zədələnməsi səbəbindən Silahlı Qüvvələrin Baş Kliniki Hospitalında və Neyrocərrahiyyə Xəstəxanasında müalicə olunurdu. Həkimlərin səyinə baxmayaraq onun həyatını xilas etmək mümkün olmayıb.

Şəhidimizin dəfnində Xaçmaz rayon ictimaiyyətinin nümayəndələri, yerli İcra Hakimiyyəti, hüquq-mühafizə orqanlarının, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəhbərləri, qulluq etdiyi MN-in Qusardakı hərbi hissəsinin əməkdaşları, kənd sakinləri iştirak ediblər. Xaçmaz İH başçısı Elnur Rzayev şəhidin doğmalarına dərin hüznlə başsağlığı verib, dərdlərinə şərik olub. O, şəhidin cənazəsinə bükülmüş üçrəngli bayrağımızı şəhidin iki yaşlı oğluna təqdim edib.

© Sputnik / Leyla Abdullayeva
Səbuhi Hüseynlinin dəfni - Sputnik Azərbaycan
1/3
© Sputnik / Leyla Abdullayeva
Səbuhi Hüseynlinin dəfni - Sputnik Azərbaycan
2/3
© Sputnik / Leyla Abdullayeva
Səbuhi Hüseynlinin dəfni - Sputnik Azərbaycan
3/3
1/3
2/3
3/3

Daha sonra rayon rəhbəri Səbuhinin döyüşlərdə göstərdiyi şücaətlərdən danışaraq onun Qarabağ uğrunda gedən müharibədə fəal iştirak etdiyini, qəhrəmancasına şəhidlik zirvəsinə yüksəldiyini bildirib.

Onu da qeyd edək ki, şəhidimiz Səbuhi Hüseynli 2020-ci ilin aprelindən Qusardakı hərbi hissədə MAXE işləyib. Vətən müharibəsi başlayanda şəxsi heyətlə birgə cəbhəyə gedib və qəhrəmanlıqla vuruşub.

Şəhidimiz ailəli olub və bir oğul övladı var.

Allah rəhmət eləsin!

Xəbər lenti
0