BAKI, 5 aprel — Sputnik. Rəmiş ləqəbi ilə tanınan Xalq artisti Rafiq Hüseynov İkinci Fəxri Xiyabanda dəfn olunmayacaq.
Sputnik Azərbaycan xəbər verir ki, bu gün uzun sürən xəstəlik nəticəsində dünyasını dəyişən musiqiçinin vida mərasimi evində keçiriləcək. O, sabah evindən yola salınacaq və güman ki, Pirşağı qəbristanlığında, qardaşlarının yanında dəfn ediləcək.
Qeyd edək ki, R.Hüseynovun bu gün günorta saatlarında vəfat edib. Xalq artistinin səhhətində xroniki xəstəliklərin kəskinləşməsi nəticəsində ciddi problemlər yaranmış, yanvarın 28-də Heydər Əliyev Fondunun xətti ilə Bakı Sağlamlıq Mərkəzinə yerləşdirilmişdi.
