BAKI, 18 fevral — Sputnik. Fevralın 19-dan etibarən 51 nömrəli marşrut xətti ("Neftçilər" m/s – Naximov küçəsi) üzrə hərəkət edən avtobuslarda gediş haqqının "BakıKart" vasitəsilə ödənilməsi təmin ediləcək. Sputnik Azərbaycan-ın Bakı Nəqliyyat Agentliyinə (BNA) istinadən məlumatına görə, iş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq.
Xatırladaq ki, son 5 ildə paytaxtın marşrut şəbəkəsində istismarda olan avtobusların 48%-i nağdsız ödəniş sisteminə inteqrasiya edilib. Hazırda gündəlik olaraq 590 min nəfərə yaxın sərnişin nağdsız ödəmə sisteminin xidmətlərindən istifadə edir.
