CƏMİYYƏT
Cəmiyyətin həyatında baş verən aktual hadisələr

Şəmkirdə evləri və mağazaları qarət edən dəstələr saxlanılıb

© Depositphotos.com / Photographee.euВор во время проникновения в чужой дом
Вор во время проникновения в чужой дом - Sputnik Azərbaycan, 1920, 05.02.2021
Abunə olmaq
Şəmkirdə rayon ərazisində ayrı-ayrılıqda oğurluq edərək cinayət törətməkdə şübhəli bilinən ümumilikdə 12 nəfərdən ibarət 3 dəstə üzvləri saxlanılıb.

BAKI, 5 fevral - Sputnik. Şəmkir rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayon ərazisində ayrı-ayrılıqda oğurluq edərək cinayət törətməkdə şübhəli bilinən ümumilikdə 12 nəfərdən ibarət 3 dəstə üzvləri saxlanılıb.

Daxili İşlər Nazirliyinin Mətbuat Xidmətinin Gəncə regional qrupundan Sputnik Azərbaycan-a verilən məlumata görə, rayonun Seyfəlli kənd sakini Qələndər Qasımov və Çinarlı qəsəbə sakini Nicat Səfiyev rayon ərazisində 4 fərdi yaşayış evi və bir mağazaya xüsusi vasitələrlə qeyri-qanuni yolla daxil olaraq müxtəlif məişət avadanlıqlarını, ərzaq, tütün və alkoqol məmulatlarını oğurlayıblar. Daha sonra onlar, rayon sakinləri - Elcan Süleymaniv, Həsən Cabbarov, Zahir Məmmədov, Samir Namazov və İmamverdi Məmmədzadə ilə cinayət əlaqəsinə girərək oğurladıqları əşyaların satılmasını təmin ediblər. Dəstə üzvləri maddi sübutlar ilə birlikdə saxlanılaraq istintaqa təhvil verilib.

Polis əməkdaşlarının keçirdikləri daha bir uğurlu əməliyyat nəticəsində rayon ərazisində tikinti materialları və avadanlıqları oğurlamaqda şübhəli bilinən 3 nəfərdən ibarət daha bir dəstəni zərərsizləşdirilib. Belə ki, rayon sakinləri Bahadur Hacıyev, Eynur Məmmədov və Natiq Məmmədov əvvəlcədən planlaşdıraraq rayon ərazisindəki yaşayış olmayan fərdi yaşayış evlərindən birinə qeyri-qanuni yolla daxil olaraq oradan döşəmə üçün örtük, elektrik ağac mişarı, naqil və s. tikinti ləvazimatlarını oğurlayıblar. Həmin şəxslər oğurladıqları əşyaları satmaq istəyərkən polis əməkdaşları tərəfindən saxlanılıb.

Xəbər lenti
0