CƏMİYYƏT
Cəmiyyətin həyatında baş verən aktual hadisələr

Qaydalara uymayan sahibkarı Bakıda bu cür cəzalandırdılar

© Sputnik / Murad OrujovАвтобус ООО BakuBus
Автобус ООО BakuBus - Sputnik Azərbaycan, 1920, 04.02.2021
Abunə olmaq
Şikayət üstünə şikayət gələn marşrut xəttindən gündəlik istifadə edən 17 mindən artıq sərnişinin daha rahat daşınması mümkün olacaq

BAKI, 4 fevral — Sputnik. Fevralın 5-dən 32 nömrəli müntəzəm marşrut xətti ("28 May" metrostansiyası-"8-ci kilometr" ərazisi) üzrə sərnişindaşımaları "BakuBus" MMC-yə məxsus, ekoloji baxımdan təmiz, Avro 6 standartlarına cavab verməsi ilə fərqlənən 12 metrlik avtobuslarla icra ediləcək. Bakı Nəqliyyat Agentliyindən (BNA) Sputnik Azərbaycan-a verilən məlumata görə, dəyişiklik sayəsində 32 nömrəli marşrut xəttindən gündəlik istifadə edən 17 mindən artıq sərnişinin daha rahat daşınması mümkün olacaq:

"Məlumat üçün bildiririk ki, ötən dövrdə sərnişinlərdən 32 nömrəli xətt üzrə sərnişindaşımaların vəziyyətilə bağlı şikayətlər daxil olurdu. Bununla əlaqədar keçirilən monitorinqlər zamanı aşkar edilən çatışmazlıqların aradan qaldırılması üçün daşıyıcı "Fidan"-MMC-yə dəfələrlə yazılı və şifahi xəbərdarlıq olunsa da hər hansı bir tədbir görülməyib.

Bu səbəbdən əhaliyə göstərilən xidmətin keyfiyyətinin artırılması məqsədi ilə 32 nömrəli marşrut müsabiqəyə çıxarılıb və sərnişindaşımaları "BakuBus" MMC-yə həvalə olunub".

Xəbər lenti
0