CƏMİYYƏT
Cəmiyyətin həyatında baş verən aktual hadisələr

Səbaildə problemli yol təmir edilib

© Azerbaijan Highway State AgencyBadamdar qəsəbəsində yolda aparılan təmir işləri
Badamdar qəsəbəsində yolda aparılan təmir işləri  - Sputnik Azərbaycan
Abunə olmaq
Qeyd olunan ərazilərdə təmir işlərinin həcmi ayrılmış vəsait hesabına Azərbaycan Avtomobil Yolları Dövlət Agentliyinin rəhbərliyinin nəzarəti altında "İnşaat Norma və Qaydaları"nın tələblərinə əsasən aparılaraq yekunlaşdırılıb.

BAKI, 25 dekabr — Sputnik. Vətəndaşların gediş-gəlişində xüsusən payız-qış mövsümündə yaranan problemlərin aradan qaldırılması istiqamətində Səbail rayonu Badamdar qəsəbəsi ərazisində avtomobil yollarının yenidən qurulması ilə bağlı dövlət başçısının imzaladığı sərəncama əsasən, həmçinin 2020-ci ilin investisiya proqramına uyğun olaraq, Azərbaycan Avtomobil Yolları Dövlət Agentliyi tərəfindən sözügedən rayon ərazisində kompleks tədbirlər həyata keçirilərək yekunlaşdırılıb.

Sputnik Azərbaycan Azərbaycan Avtomobil Yolları Dövlət Agentliyinin məlumatına istinadla xəbər verir ki, imzalanan sərəncama əsasən, həmçinin 2020-ci ilin investisiya proqramına uyğun olaraq sözügedən rayonun Badamdar qəsəbəsi üzrə 1, 2 və 3-cü yaşayış massivlərində 7.8 km uzunluğa malik küçə və yollarda aparılan təmir işləri artıq bitib.

Təmir işləri əsasən uzun müddət əsaslı şəkildə təmir olunmadan istismar olunan, yol örtüyünün vəziyyəti qənaətbəxş olmayan, həmçinin torpaq əsaslı və çınqıl örtüklü küçə və yollarda aparılıb.

Sərəncam və proqrama uyğun olaraq, Səbail rayonu Badamdar qəsəbəsinin 1-ci yaşayış massivində ümumi uzunluğu 2.9 km olan Vaqif Mustafazadə, Cənub, Mirzə Şəfi Vazeh və Natəvan küçələri, həmçinin qəbiristanlıq yolunda, 2-ci yaşayış massivində ümumi uzunluğu 2.4 km olan Bağlar döngəsi, 2 və 9-cu döngələr, həmçinin 4,5 və 11-ci küçələr, 3-cü yaşayış massivində isə ümumi uzunluğu 2.5 km olan 26, 28, 30, 32 və 33-cü küçələrdə aparılan təmir işləri yekunlaşıb.

Aparılan təmir-tikinti işləri çərçivəsində küçələr boyu zəruri olan yerlərdə köhnə örtük sökülüb və yararsız qrunt qazılaraq çıxarılıb, əvəzinə yararlı material tökülərək kipləşdirilib və yol əsası hazırlanıb. Daha sonra isə yeni asfalt-beton örtüyü döşənib.

© Azerbaijan Highway State Agency
Badamdar qəsəbəsində yolda aparılan təmir işləri  - Sputnik Azərbaycan
1/3
© Azerbaijan Highway State Agency
Badamdar qəsəbəsində yolda aparılan təmir işləri  - Sputnik Azərbaycan
2/3
© Azerbaijan Highway State Agency
Badamdar qəsəbəsində yolda aparılan təmir işləri  - Sputnik Azərbaycan
3/3
1/3
2/3
3/3

Qeyd olunan ərazilərdə təmir işlərinin həcmi ayrılmış vəsait hesabına Azərbaycan Avtomobil Yolları Dövlət Agentliyinin rəhbərliyinin nəzarəti altında "İnşaat Norma və Qaydaları"nın tələblərinə əsasən aparılaraq yekunlaşdırılıb.

Xatırladaq ki, Prezident İlham Əliyevin sərəncam və tapşırıqları əsasında agentlik tərəfindən 2019-cu il ərzində Bakı şəhərinin Səbail rayonunda ümumi uzunluğu 6 km olan 7 küçədə təmir işləri aparılıb.

Xəbər lenti
0