CƏMİYYƏT
Cəmiyyətin həyatında baş verən aktual hadisələr

Qırmayın, pulunu verib, alın - qış tədarükü edənlərə çağırış

© Sputnik / Anar MustafayevДрова, фото из архива
Дрова, фото из архива - Sputnik Azərbaycan
Abunə olmaq
"Əhalidən xahişimiz odur ki, özbaşına meşələrə üz tutmasınlar, ağacları zədələməsinlər, ağac kəsərək meşələri məhv etməsinlər. Əlavə oduncağa ehtiyacınız yaranarsa, mütləq qaydada regional meşə təsərrüfatı mərkəzlərinə müraciət edin. Mərkəzlərdə oduncaq ehtiyatı var".

BAKI, 24 dekabr — Sputnik. Əhalinin yanacaq odununa olan tələbatını təmin etmək məqsədilə regional meşə təsərrüfatı mərkəzlərinin xidməti ərazilərində aparılan oduncaq tədarükü başa çatıb.

Rayon icra hakimiyyətlərinin bölgüsü və müvafiq qurumların sifarişi əsasında Müdafiə Nazirliyinin, Sərhəd Qoşunlarının hərbi hissələri, Təhsil, Səhiyyə nazirliklərinin müəssisələri və qazlaşdırılmayan ucqar kəndlərin əhalisinin oduncağa olan tələbatı tam təmin olunub.

Ekologiya və Təbii Sərvətlər nazirinin müavini Firdovsi Əliyev Sputnik Azərbaycan-a bildirib ki, regional meşə təsərrüfatı mərkəzlərində bu günədək ölkə üzrə ümumilikdə 67295 m3 həcmində oduncaq tədarük edilərək dəyəri ödənilməklə ehtiyacı olan əhaliyə və təşkilatlara verilib.

Nazir müavini oduncağa əlavə ehtiyacı olan vətəndaşlara odun əldə etmək üçün özbaşına meşələrə üz tutmamağı, qaydalar çərçivəsində regional meşə təsərrüfatı mərkəzlərinə müraciət etməyi tövsiyə edib: "Əhalidən xahişimiz odur ki, özbaşına meşələrə üz tutmasınlar, ağacları zədələməsinlər, ağac kəsərək meşələri məhv etməsinlər. Əlavə oduncağa ehtiyacınız yaranarsa, mütləq qaydada regional meşə təsərrüfatı mərkəzlərinə müraciət edin. Mərkəzlərdə oduncaq ehtiyatı var".

Xəbər lenti
0