Вид на Москву-реку, фото из архива - Sputnik Azərbaycan
RUSİYA
Rusiya Federasiyasına dair aktual məqalələr

Qədim şəhərimizin divarı uçur

© Photo : Derbent Administration Press Service / Mediabanka keçidЧасть стены крепости Нарын-кала, разрушенная в результате продолжительных дождей, в Дербенте
Часть стены крепости Нарын-кала, разрушенная в результате продолжительных дождей, в Дербенте - Sputnik Azərbaycan
Abunə olmaq
Müvəqqəti olaraq şəhər rəhbəri vəzifəsini icra edən Rüstəmbəy Pirməhəmmədov bildirib ki, meriyanın imkanları çərçivəsində qala divarlarını bərpa etmək mümkün deyil.

BAKI, 18 noyabr — Sputnik. Dağıstanın qədim Dərbənd şəhərində UNESCO-nun Dünya İrsi Siyahısına daxil edilmiş Cənub qala divarının Orta-qapı yaxınlığındakı hissəsi uçub. Sputnik Azərbaycan-ın "Lenta.ru" xəbər portalına istinadən yaydığı məlumata görə, bu barədə müvəqqəti olaraq şəhər rəhbəri vəzifəsini icra edən Rüstəmbəy Pirməhəmmədov öz "Instagram" hesabında məlumat yayıb.

Onun sözlərinə görə, şəhər rəhbərliyi qala divarının qəzalı vəziyyətdə olması barədə artıq çoxdandır ki, həyəcan təbili döyürdü. Pirməhəmmədov onu da bildirib ki, meriyanın imkanları çərçivəsində qala divarlarını bərpa etmək mümkün deyil. Çünki abidə Rusiya Mədəniyyət Nazirliyinin məsuliyyət zonasındadır. "Üstəlik, əgər biz təmir işlərinə başlasaq, qanun qarşısında məsuliyyət, hətta cinayət məsuliyyəti daşımış olarıq", – deyə o əlavə edib.

Gachalav Group firmasının yaşayış binası, arxiv şəkli - Sputnik Azərbaycan
Dərbənddə üç azərbaycanlı 7-ci mərtəbədən yıxılaraq ölüb

Dərbənd şəhərinin rəhbəri onu da qeyd edib ki, qalanın digər hissələrinin vəziyyəti də həyəcan vericidir.

Dərbənd qoruq-muzeyinin direktoru Viktor Çesnakov isə bildirib ki, qala divarında çatlar hələ iki ay bundan əvvəl müşahidə olunub. Onun sözlərinə görə, artıq lazımi sənədlər Rusiya Mədəniyyət Nazirliyinə göndərilsə də, indiyə kimi təmir-bərpa işlərinə vəsait ayrılmayıb.

Qeyd edək ki, Qala divarları müxtəlif mərhələlərlə VI-XIX əsrlər ərzində inşa olunub. Sonuncu dəfə burada təmir işləri 1877-ci ildə, şəhərdə hərbi vəziyyət elan olunan vaxt aparılıb.

Xatırladaq ki, 2003-cü ildə Dərbənd qalası və istehkamları Dünya İrsi Siyahısına daxil edilib.

Dərbənd şəhəri tarixşünaslıqda son dövrədək Azərbaycan şəhəri kimi göstərilib. 

Xəbər lenti
0